Ikala na kitshibilo kia kukuasha bantu bua’shi bafikie bu balongi

Kibaadi Yesu mukite

VIDEO: Yesu alongiesha Nikodeme

1. Tala VIDEO, Sunga kubadika Yowano 3:1, 2. Akupu waluule ino nkonko:

1. Buakinyi Nikodeme baadi mukumiine kuenda mu kumona Yesu bufuku?​—Tala Yowano 12:42, 43.

2. Paye kuisamba na Nikodeme bufuku, mushindo kinyi ubaadi Yesu muleshe’shi e na kitshibilo kia kukuasha bantu bua’shi bafikie bu balongi?

Nkinyi ki’atulongiela kui Yesu?

2. Atulesha’shi tuibafule bantu, pa kuikala na kitshibilo kia kutungunuka na kuibakuasha bua’shi bafikie bu balongi.

Ambula Yesu

3. Longa na mulongi oobe a Bible pa nsaa na pa mbalo y’akumiina. Mulombene kusangula efuku kampanda ku lubingo sunga nsaa kampanda kuifuku. Akumiina’shi nukalongiele ku mbalo yaye ya mudimo, ku nshibo sunga ingi mbalo kampanda su? Su kui mushindo, nshintula programe oobe bua’shi olongie naye pa mbalo na nsaa y’akumiina.

4. Longayi lubingo loso. Su tuekala panka, tuemikanga kulonga kua Bible. Anka taluula ino mianda:

1. Nuikulonga dingi efuku mu lualua lubingo su?

2. We mulombene kulonga naye ku bukuashi bua telefone sunga bua appel video?

3. We kuteka ungi mulungudi bua’shi akalongie naye?

5. Teka bua kupeta binangu bi buwa. Teka Yehowa bua’shi akukuashe tuemikanga kulonga na mulongi oobe sunga t’alongo lubingo loso, na’shi atumikila mianda y’alongo na lotoolo. (Fid. 2:13) Pangi mulongi oobe a Bible e na nyikashi i buwa; teka bua’shi omone yaya nyikashi.