Kwabila kwa trakte a Mukandu wibuwa wa Bufumu No. 38 mu mweshi w’Ekumi na umune!
1. Nkonko kinyi ayipushaa bantu pabitale bafwe, na mushindo kinyi wabakyebe kwaluula ino nkonko mu mweshi wa Ekumi na umune?
1 Lufu nyi mwishikwanyi a bantu booso, sunga bekala bakumiine ku myanda kampanda. (1 Kod. 15:26) Bantu bebungi abeyipushaa akwende muntu su baafu na su abakyebe kwimonena dingi naye. Byabya, tukongye tooso twi mu nsenga ishima atukyebe kukita mudimo wa kwabila bantu munda mwa mweshi ushima trakte a Mukandu wibuwa wa Bufumu No. 38, e na mutwe wa mwanda awamba shi: “Bafwe be kwikala dingi na muwa?” Kwabila kwa uno trakte akubanga mu 1/11. Kunyima kwa kuno kwabila, uno trakte a Mukandu wibuwa wa Bufumu No. 38 abafubu naye mu mudimo wa bulungudi anka bu byabafubaa na ma trakte ooso.
2. Mmushindo kinyi wabadi bakite trakte a Mukandu wa Bufumu No. 38?
2 Mushindo wabadi bamukite: Uno trakte a Mukandu wibuwa wa Bufumu No. 38 mbamukite mu mushindo washi su bomukonyo mu bula, mutwe wa mwanda aukumu bantu ku mashimba pamune na myaku “We kwamba shi . . . oolo? nya? pangi?” bikadikye pa kipusu. Nsaa ayibuula muntu Mukandu wibuwa wa Bufumu, akyebe kumona lwaluulo alutusha Bible ku lukonko lwa mutwe wa mwanda na akipatuula mulayilo wa mu Bible bwaaye. Akyebe kumona dingi bwakinyi mmulombeene kukumiina akyamba Bible. Kunyima kwa uno trakte a Mukandu wibuwa wa Bufumu kwi lukonko alukyebe kumukwasha bwa kunangushena na alumutakula bwa kulonga ingi myanda.
3. Mushindo kinyi autuungu kwabila uno trakte a Mukandu wibuwa wa Bufumu No. 38?
3 Mushindo autuungu kumwabila: Kuno kwabila akukyebe kukitshika mu mushindo umune na abikitshikaa kwabila kwa lwitamino lwa Kitentekyesho kya lufu lwa Kidishitu na lwa kikongeno kya distrike. Bakulu abakyebe kulesha mushindo wa kufuba mu teritware eenu, mu kwipushena na byabadi bebafundjile mu mukanda wa mu 1/4/2013. Tukongye twi na teritware peela ntulombeene kukwasha tukongye twipeepi nato twi na teritware mukata. Nsaa yopete yoobe ndambo ya Mukandu wa Bufumu No. 38, tentekyesha bwa kwata anka penda ndambo yoodi nayo lukalo lwa kufuba nayo lwalwa lubingo. Panukitshi kampanye, nwibalombeene kwabila angi ma trakte mu bulungudi bwa mbalo i bantu bebungi kunyima kw’anwe bapwe kukita mufubo wa ku nshibo na nshibo. Su ma trakte abapu munkatshi a mweshi, nwibalombeene kwabila ma jurnale. Mu dya mposo dya kumpala, atukyebe kwipana mu kukita kampanye ka pabwako pamutwe pa kubanga kulonga Bible na bantu. Mu dya mposo na dyalubingo dyooso, abitungu twabile dingi ma jurnale su kwi mushindo. Okwete kwilumbuula bwa kufuba ngofu mu kano kampanye ka pabwako su?