“Mwikêlo wenu wikale wi buwa munkatshi mwa bashi bakumîne”

1. Bwakinyi bii na muulo bwetu’twe bwatudya kulama mwikeelo wibuwa mu kikongeno kya distrike akifiki?

¹ Atukakaa binangu bya bantu abakidi patudi mu bikongeno byetu kipwa kyooso, nyi bwakinyi bii na muulo wa shi ku bukwashi bwa mwikeelo wetu tuleeshe bi Efile Mukulu atulangwila. (Lv. 20:26) Mwikeelo wetu wibuwa bu pabitale nfwadilo eetu, ntshibiisho eetu a nyeene, ngulombeene kulesha patooka shi twi balondji ba Kidishitu ba binyibinyi. Bu byatukwete kutengyela bikongeno bya distrike sunga bya maumbo ebungi abifiki, mushindo kinyi watudi balombeene ‘kushaala balame mwikêlo wetu wi buwa munkatshi mwa bashi bakumîne na kutumbisha Nshetu a mwiyilu?’—1 Mp. 2:12, EEM.

2. Mmishindo kinyi ya kulesha mwikeelo wa bwina Kidishitu y’atukapete mu mafuku a kikongeno?

² Lesha mwikelo wa beena Kidishitu: Kifulo kyatwilesheena ku muntu na muntu na mushindo watushaala na “bashii beena Kidishitu” abilesha kwilekeena kukata na kikudi ki mu uno ndumbulwilo. (Kol. 3:10; 4:5; 2 Tim. 3:1-5) Abitungu twikale na kinangu na lwishinko nsaa y’atwisamba na bantu abafubaa ku otele na mu restora, su kwatuuka mwanda munkatshi mwetu nabo. Mwikeelo wibuwa dingi ngulombeene kwitutakula shi tulekyele baaba abetukwashanga na tungi tumidimo matapishi.

3. Kinyi kyabatentekyesha baledi, na mbwakinyi?

³ Ba nambutwile mbalombeene kutala baana baabo kalolo ku mbalo ya kikongeno, mu ma restora na ku ma otele. (Mye. 29:15) Ungi mwana mukashi afubaa mu restora a ungi otele balungwile bangi bakwetu ba mulume na mukashi shi: “Atwinukumiinaa bikile. Bifuko byenu na baana beenu be na mwikeelo wi buwa na bukalanga. Bantu booso bakwete kwinukanyisha ngofu, na atukumiina shi nushaale pano mposo yooso ishima.”

4. Mushindo kinyi watudi balombeene kutaluula mushindo watumweneka kwi bantu mu mbalo yatukitshina kikongeno?

⁴ Nfwadilo ebuwa: Nfwadilo eetu a mu mafuku a kikongeno abitungu ekale ebuwa na mulombane, sha leesha nfwadilo a uno ndumbulwilo. (1 Tim. 2:9) P’atusangula bilamba bya kufwala munda sunga pasha pa otele na nsaa yatukisha kapapi kumpala na kumyima kwa kipindji kya kikongeno, t’abitungu shi tufwale bilamba binane mbidi sunga bilombeene kukalakasha bangi nya. Nyi bwakinyi twi na muloo wa kufwala katadi keetu ka kikongeno pa kyadi na tatwikala bakalakashwe bwa kulungula mukandu wibuwa pakudi mushindo nya. Mushindo awitumono bantu na mwikeelo wetu wibuwa nsaa yatudi mu kikongeno kya distrike kya 2014 tawikadika penda bwa kukaka bantu basha mashimba alulame bwa myanda ya mu Bible ayipaasha miuwa kadi aukyebe kusangasha dingi Yehowa.—Sof. 3:17.

Myanda ya kutentekyesha pa bitale kikongeno kya Distrike 2014

◼ Nsaa ayikitshika kikongeno: Programe akabanga mu 8:20 mafuku ooso asatu. Byabya, bwa bikongeno abikitshika mu ma mbalo akata bu: Bandundu-Ville, Boma, Brazzaville, Bumba, Goma, Kananga, Kikwit, Kinshasa, Kisangani, Kolwezi, Likasi, Lodja, Lubumbashi, Matadi, Mbandaka, Mbuji Mayi, Mwene Ditu, Pointe Noire naTshikapa, programe akyebe kubanga mu 9:20. Abafungula biibi mu 7:00 sunga mu 8:00 muyiile mbalo yanudi. Nsaa ayibanga mizike abitungu atwe booso twende tukashaale mu ma mbalo eetu bwashi programe eetu abangye kalolo. Programe akyebe kufudiila mu 15:55 mu dya Katano na mu dya Mposo na mu 14:40 mu dya Lubingo. Mu bibundji bikata abakyebe kufudiisha nsaa umune kunyima.

◼ Mbalo ya kushaala: We mulombeene kulama mbalo nka penda ya baaba banudi nabo mu nshibo imune sunga ya bantu banudi bafikye nabo mu motoka umune sunga dingi ya bantu bolongaa nabo Bible.

◼ Kidibwa kya mu midi: Atwinutekye shi nutwale bintu bipeelepeele kadi abikwasha mu mbidi, bu kileshesho nwi kutwala bidiibwa bu (nkunde sunga mupunga), bikuba (makonde), nyimu, mikate sunga bitumbula. Bitomwanga bu meema, kafee sunga tshayi nwibalombeene kwibyela mu bintu bishi bilombeene kutanyika bwa kupela masaku. Mbakandjikye kufika na maalwa ku mbalo ya kikongeno. Su tubatwala bidibwa na bitomwanga byetu, tatwikala na lukalo lwa nkaula kintu sunga nkimune kwi baaba abafiki mu kuudisha. Kutuusha kwa baaba bantu abapaana paasha akutuusha nkumo yeetu ibuwa ya mukoso. (Laminayi bino: Tanukumanga kutwesha bantu abapaana bya kudya pa mbalo ya kikongeno.—Yo. 2:13-17).

◼ Mukoso: Abitungu kutala kalolo baaba abaulu byakudya kwi bantu abapaana paasha, mbalombeene kusumbula bipusu mu nsenga. Mbalo yooso ishima ngiule na butshafu bwa masaki, tubudimbo, bipusu bya milangi mpa na bingi bintu. Su muntu akumiina kintu kya kudya kwi bano abapaana (bu kileshesho: bonbon, biscuit, nkunde, mishipa sunga bingi buntu), abitungu akasumbule kabudimbo sunga esaki ku mbalo yabadi baleesha bwa kusumbula butshyafu pamutwe pa kusumbula mu nsenga bisumanga. Su tubamono shi kwi muntu musumbule esaki sunga kabundimbo, twi balombeene kusangula na kwenda mu kusumbula mbalo ileshibwa bwa kwi byela. Bakwetu, tukiteyi namu bukopo bwetu booso bwa kulama mbalo yatukitshiina kikongeno kushii butshyafu mpa na paasha paayo. Ooso muntu e mu kikongeno abitungu ashinguule shi abitungu kulama yaaya mbalo na mukoso ooso. Su muntu ooso ekitshisha, ku kyolwa, mbalo yeetu ya kikongelo ayishaala nka selele. Twi na lukalo lwa kuleesha nyikashi y’Efile Mukulu eselele atukwete kulangwila.—1 Mp. 1:15, 16; Efi. 19:10; Miy. 23:14.

◼ Bya buntu: Twi balombeene kuleesha shi twi basankile mpàngo yatshibwe bwa kikongeno nsaa yatwele bya buntu byetu ku kikongeno bitale mudimo wa nsenga ishima. Muntu ooso mulombeene kutuusha chèque mmulombeene kumufunda mwishina dya “Association ‘Les Témoins de Jéhovah.’”

◼ Masaku na mikumbo ya kimpulunkamba: Su muntu apetekyelwa na masaku sunga mukumbo wa kimpulu nkamba mu kikongeno, itaminayi mukwetu e peepi a ku baaba abakukila bantu yawa namu akakimbe ba mu Departema atala myanda ya maladi bwashi bape yawa mukwetu bwanga bwa kubanda kumukwasha.

◼ Bukwashi bwa bwanga: Bibuwa kutwala manga oobe su okwete kukumba, mwanda ta kwi manga ku mbalo ya kikongeno nya. Nshingye na bipusu byayo bya muntu akumbaa maladi a dyabete, abitungu kwibisumbula mu kintu kyabadi baleeshe bwa kwela bintu bi butshafu bya masaku ki pa mbalo ya kikongeno na ku mbalo yoodi mushaleele.

◼ Kwata kwa ma foto: Su okyebe kwata foto nsaa i programe a kikongeno kwete kutambuka, tokumanga kutembesha kaalo ka flash. Tanukumanga kwitanyina baaba abakwataa ma foto a makuta pa mbolo ya kikongeno bwa kwinukwata ma foto. Su nu bebamono pa mbalo ya kikongeno abakimbi bantu ba kukwata ma foto, tanukumanga kukwatshisha ma foto kwabadi.—Yo. 2:13-17.

◼ Masaki a Veuillez suivre l’intérêt (S-43): Nwi balombeene kufuba na masaki a Veuillez suivre l’intérêt bwa kufunda myanda itale muntu abatulambukisha mu mpuukapuuka ku kikongeno baleesha lukalo lwa kulonga. Balungudi ba mukandu wibuwa mbalombeene kwikwatshisha esaki dimune sunga abidi mu kikongeno. Masaki ooso obousha we mulombeene kwiatuula ku Departema a mikanda sunga kupa sekretere a mu kakongye keenu.

◼ Mu ma restora: Tumbishayi eshina dya Yehowa na mwikeelo wenu wibuwa panudi mu restora. Nfwadilo eenu aleshe shi nwi beena Kidishitu. Epayi yawa enukwasha na byakudya matapishi su abebikitaa kwenu.

◼ Mbalo yatukashaala: (1) Tanukumanga kutuula bantu bakile bungi mu nshibo sunga mbalo yabadi benutuule; kukaasha bungi bwabadi batekye kwi yawa enukukila. (2) Su we na yoobe mbalo yoodi mupwe kwilumbulwila bwa nkashaala, bibuwa kwiukisha kumpala. (3) Kumpala kwa kuteeka, ipusha yawa muntu mwinutuule ku nshibo yaaye sunga baaba abalama Nshibo ya Bufumu bwa kutuula bantu bwashi benulungule abitungu kukita. (4) Tokumanga kulwisha kintu kyooso kya kudya kyabadi batuule mu yaaya mbalo yabadi benutuule. Abitungu kwikala na nkatshinkatshi, na binangu. (5) Nsaa yooso abitungu kuleka mbalo yabadi benutuule ibuwa, ishii butshafu, na ilogye bintu byooso mu mulongo. Bino mbitale mpa na ku Nshibo ya Bufumu, yabadi balombeene kutuula bakwetu abafiki kwibula bwa kushaala mwanka mafuku a kikongeno. (6) Leshaayi kikuba kya kikudi kiselele nsaa yanudi bashaale na bangi bakwetu, byabya, byabikala yawa mwinutuule kwaye sunga ungi mukwetu mwina Kidishitu anudi naye mu nshibo imune.—Gal. 5:22, 23.

◼ Bukwashi ku midimo: Muntu ooso akumiina kukwasha ku midimo ya mu kikongeno, mulombeene kwenda ku uno Departema e ku kikongeno. Mwana e muushi mwa bipwa 16 mmulombeene kufuba anka su e na muledi aaye, sunga ungi muntu mukulu a kumukunkusha abadi bamupe kwi baledi baaye.