Video mupya bwa kubanga kulonga Bible na bantu
Video mwipi e na mutwe wa mwanda awamba shi: Bwakinyi abitungu kulonga Bible? bakwete kumutala kwi bantu bebungi mu jw.org. Uno video mbamutuushe bwa kwibwesha lukalo lwa bantu bwabadya kukumiina kulonga netu Bible buntu. We mulombeene kumutala nsaa yotwele ku mbangilo kwa jw.org pa mbalo yabadi bafunde shi: “Teka bwa kulonga Bible”; sunga shi o skanee QR (quick response) kode e kunyima kwa trakte eetu ooso mupya. Tala angi mayele atudi balombeene kufuba kalolo na uno video:
Nsaa ywalukiila mu kutala muntu anwikalanga besambe naye, mwipushe shi: “Nemulombeene kubanda nkuleesha ka video keepi akakulesha mushindo oodi mulombeene kupeta myaluulo ku nkonko yoobe ya mu Bible?” Su bakumiina, muleeshe video mu telefone oobe sunga mu ordinatere aaye.
Su tubapa muntu trakte umune a ku ma trakte apya nsaa yatumulungulanga mukandu wibuwa mu mpuuka-puuka sunga mu kulungula mukandu wibuwa mu mbalo mwi bantu bebungi, muleeshe kode a QR na omutekye bwadya ku skanee na telefone aaye. Byabya mu ndjimi ibungi kode a QR akakufisha musango umune ku video e mu Internet, we mulombeene kubandjila video mususa umune mu telefone oobe.
Lungula bena mudimo noobe, balongi noobe, bakwenu, na bangi bantu pabitale uno video, na webaleeshe anka. Sunga kwibatumina mesaje ku Internet na kukumbasha yawa video ku aa mesaje, na kwibateka bwa badya kumubandjila.
Su tubatumika kalolo na kino kidibwa kipya, atwikala na mushindo wa kubanga kulonga Bible na bantu bebungi, atukwasha baaba “be na mashimba alombane bwa muwa wa looso” mu kikudi.—Bik. 13:48.