‘Bino bishima . . . biikale kwishimba dyoobe’

Ba nambutwile be nka bu balami ba mikooko. Abitungu balame bana baabo mwanda mbalombeene kupambuka na kupona mu masaku. (Mye. 27:23) Mushindo kinyi ulombeene banambutwile kulombasha uno mudimo? Abitungu shi, efuku dyooso bekale abakisha nsaa ibungi mu kwisamba na bana baabo bwa kushinguula kii mu binangu na mu mashimba aabo. (Mye. 20:5) Dingi, abitungu baledi bebakye na bintu abikambila kaalo bwa kunyingisha lukumiino lwa bana baabo. (1 Kod. 3:10-15) Video e na mutwe wa mwanda awamba shi: “Ces paroles . . . devront être sur ton cœur” alesha muulo wa kukitanga lulangwilo lwa mu kifuko. Mutaleyi mu kifuko nwisambile pa ino nkonko ayilondo.

(1) Nkinyi kibaadi kifishe kifuko kya Roman mu kukuktwa kwipaana ngofu ku myanda ya mu kikudi? (2) Bwakinyi mushindo ubaadi mukwetu Roman mutompe bwa kukita lulangwilo lwa mu kifuko ta ngutushe bipeta bi buwa? (3) Myanda kinyi ya mu Bible ayitungu kulonda bwa koobesha kukusha kwa bana? (Miy. 6:6, 7) (4) Nkinyi kilombeene kukwasha bena kifuko bwashi bekale abesamba kalolo? (5) Bana abatengyela shi baledi baabo bebakitshine myanda kinyi? (6) Mushindo kinyi ubaadi mukwetu Barrow na mukashi aaye na bukitshishi bwibuwa kwi kifuko kya Roman? (Mye. 27:17) (7) Myanda kinyi ayitungu shi nfumu a kifuko abadiile kukita bwashi lulangwilo lwa mu kifuko lutuushe bipeta bi buwa? (8) Mushindo kinyi ubaadi mukwetu Roman mubangye kushintuula myanda mu kifuko kyaaye? (9) Bwakinyi kunemeka programe a lulangwilo lwa mu kifuko kwi na muulo? (Ef. 6:4) (10) Ingi myanda kinyi ilombeene kukwasha mu lulangwilo lwa mu kifuko? (11) Mushindo kinyi ubaadi mukwetu Roman mwishinkye kadi n’eshimba dimune nsaa yakwashanga Marcus bwa kushinguula muulo wa kukita myanda ilulame? (Yel. 17:9) (12) Mushindo kinyi ubaadi mukwetu Roman na mukash’aaye banangushene na Rebecca bwa kumukwasha bwadya kwata kitshibilo kibuwa pabitale kipwaano kyaaye na Justin? (Mak. 12:30; 2 Tim. 2:22) (13) Mushindo kinyi ubaadi Roman na mukash’aaye baleeshe lukumiino nsaa ibabadi ’abataluula bwa kushintuula myanda mu nshaleelo aabo? (Mat. 6:33) (14) Mushindo kinyi wikale uno video aleesha shi kwi lukalo lwashi banfumu ba bifuko bekale abadiisha bifuko byabo mu kikudi? (1 Tim. 5:8) (15) Nkitshibilo kinyi kyodi nakyo bu byodi mwikale nfumu a kifuko?

KWI BA NFUMU BA BIFUKO: Uno drame a myanda ya ano mafuku eetu abaadi bamukite ku kikongeno kya mafuku asatu kya mu 2011. Aa mafuku, boodi mutundule myanda kampanda ibaadi ayitungu kulumbuula mu lulangwilo lwa mu kifuko kyobe su? Binobino bi naminyi? Su kukii ingi myanda ayitungu kulumbuula, teka bukwashi kwi Yehowa bwa kwiyilumbuula bwashi kifuko kyoobe kipete bukwashi bwa looso.​—Ef. 5:15-17.