Mayele apya bwa kubanga miisambo

Kubanga mweshi wa Kumpala wa kipwa kya 2016, kumongo kwa Kitenta kya Mulami nkutuukye mwisambo wi na mutwe wa mwanda awamba’shi: “Bible akula kinyi?” Awitukwasha bwatudya kubanga miisambo imeene mu myanda ya mu Bible. Mbeukite mu mushindo umune na ma trakte eetu apya./ Kwi lukonko alukwasha bwa kwiuka bi mweneno a muntu, lwaluulo lwa mu Bible na myanda ya kutaluula.

Miisambo ibuwa ayituukila mu bifundwe, ngilombeene kukwasha bwa kulonga Bible na bantu. Fubisha ano mayele apya bwa kukwasha baaba be na nsala ya mu kikudi.​—Mat 5:6.

BYODI MULOMBEENE KUKITA:

1. Epusha muntu bi mweneno aye pa lumune lwa ku yaya nkonko

2. Muteemeshe kalolo bwa kwiuka bi lwaluulo lwaye

3. Mubadikile kifundwe ki kuushi kwa ka mutwe ka mwanda akamba’shi: “Akyamba Bible,” na omwipushe bibapusha pabitale yawa verse. Su kwi nsaa, tungunuka na mwisambo pa kufubisha myanda i pa ka mutwe ka mwanda akamba’shi: “Nkinyi dingi akitulongyesha Bible?”

4. Mmupe Kitenta kya Mulami

5. Epushene naye byodya kwalukiila mu kumutala bwashi nutaluule lukonko lwa kabidi