Watchtower MIKANDA I MU INTERNETE

MIKANDA I MU INTERNETE

mwb16 Mweshi wa 4 esak. 3
Nyingisha na ku kankamika bangi na mayi a kalolo

Programe a bisangilo bya Bwina Kidishitu na Mudimo wetu—2016

mwb16 Mweshi wa 4 esak. 3

BUPETA BWA MWIYI DY’EFILE MUKULU | YOOBO 16-20

Nyingisha na ku kankamika bangi na mayi a kalolo

Abitungu mayi atulanga nao bangi ebanyingishe

Yoobo baadi mwinyongole ngofu, nyi bwakinyi baadi na lukalo lwashi bangi bamukwatshishene na kumunyingisha
Ba kuuku basatu ba Yoobo tababakwile kishima su nkimune kya kumunyingisha nakyo. Kadi abaadi abamuteula na kunyiisha kumwinyongosha

Mayi ebubi a Bildade abaadi enyongoshe Yoobo

Yoobo baadi adidila Efile Mukulu bwashi amupe kwikisha—sunga lufu
Yoobo baadi mukulupile mu lusangukilo na baadi mutungunukye na kunyingila na lulamato looso

Elifaze baadi mwisambe na yoobo nka bu Bildade na Zofare

BANTU ABAADI BATEULE YOOBO

Elifaze:

Baadi mwina Temane a mwiumbo dya Edome. Temane mbamuleeshe mu mukanda wa Yeelemiya 49:7 bu kibundji kya ba sha binangu ba mu Edome
Abimweka’shi Elifaze nyi baadi muntu mukulu na baadi na bukitshishi bukata mu bantu abafikile mu “kusamba” Yoobo. Naye babangile kwakula kumpala, baadi mwakule miisambo isatu kipindji kibula kukila benaye babidi

Myanda yaye ya madimi:

Baadi mubepuule kululama kwa Yoobo na kwakula’shi Efile Mukulu tekalaa na lulamato mwi bafubi baye (Yoobo shap. 4 na 5)
Baadi mwitamine Yoobo bu muntu sha kwitatula na nkitshishi a bubi, na kumwakula’shi Yoobo tatshinaa Efile Mukulu nya (Yoobo shap. 15)
Baadi muteule Yoobo bu muntu sha lwabi, shii mululame na kwakula’shi, muntu te na muulo ku meso kw’Efile Mukulu (Yoobo shap. 22)

Bildade:

Mwikulu a shuwa. Abimweka shi baadi mushaale peepi na mwela wa Efrate
Baadi muntu akabidi kwakula na Yoobo. Miisambo yaye isatu ibaadi iipi, kadi ayitapa kwishimba kukila ya Elifaze

Myanda yaye ya madimi:

Baadi mwakule’shi bana ba Yoobo mbakite mulwisho, nyi bwakinyi mbapete masaku ebalombanyine. Akula nyi shi, Yoobo nabene tabaadi mwin’Efile nya (Yoobo shap. 8)
Baadi mwakule nyi shi, Yoobo baadi nkitshishi a bubi (Yoobo shap. 18)
Akupu akula shi kululama kwa muntu ta kwi na muulo ku meeso kw’Efile Mukulu (Yoobo shap. 25)

Zofare:

Baadi mwina Naama, abimweneka’shi bafikile ku nord-ouest a Arabi
Baadi muntu a kasatu kwakula na Yoobo na mayi ebukopo. Baadi mwakule nkapenda miisambo ibidi

Myanda yaye ya madimi:

Baadi akula’shi Yoobo baadi abalakana na amulungula bwadya kuleka kukita bubi (Yoobo shap. 11)
Bakwile shi Yoobo baadi nkitshishi a bubi na baadi asankila kukita milwisho (Yoobo shap. 20)