Bya kufubisha mukanda wa​—A nkinyi akitulongyesha Bible?

Mukanda wa Akitulongyesha Bible na wa Akilongyesha Bible i mumune. Ino mikanda y’atulambukishaa nayo, ayilongyesha bya binyibinyi mu kipaso kimune. Kadi, mukanda wa Akitulongyesha Bible wi na myanda ipelepele na ayipushika kalolo. Ngutushibwe bwa baaba be na lukalakashi lwa kupusha kalolo myanda i mu mukanda wa Akilongyesha Bible. Mu mukanda wa Akitulongyesha Bible ta mwi Apandise, pamutwe pa apandise, mbele kikumbashilo akitusha mpushisho mupelepele a bingi bishima na a ingi myanda i mu mwisambo. Ku mbangilo kwa ma shapitre ta kwi nkonko, na ku nfudilo kwao ta kwi kashibo ka kwambuula. Kadi, shapitre ooso mmufudiile na kipindji ki na ka mutwe ka mwanda akamba shi “mu kikoso” akapatuula mu kikoso malongyesha a mu Bible e mu yawa shapitre. Nka bu Akilongyesha Bible, mukanda wa Akitulongyesha Bible twi kwiupa bantu nsaa yooso sunga shi tambaleshe bwa kwiupa bantu wawa mweshi. Twi kufubisha mukanda wa Akitulongyesha Bible nsaa yatulongo Bible na muntu naminyi?

MU KIKOSO: Bantu bebungi abakuminaa kipaso kyatulongaa Bible na bantu pa kubadika kikoso mu mukanda wa Akilongyesha Bible ndjo kwela lukonko. Kadi, su mulongi tawuku lwalwa ludimi sunga shi tauku kubadika kalolo wekukita naminyi? Su mbyabya, we kufubisha mukanda wa Akitulongyesha Bible. Kunyima, nwikutaluula yaaya mbalo ifunde shi “mu kikoso” bwa kulonga na kumunyingisha bwadya kubadika bikoso aye nabene. Nwi kulonga yaaya mbalo munda mwa minite 15. Bu byabidi shi, yaaya mbalo ya mu kikoso t’ayakwila myanda yooso i mu shapitre, abitungu mulongeshi elumbuule kalolo muyile lukalo lwa mulongi. Su nubalongo myanda ya mu shapitre, kyakya kipindji kya mu kikoso, nwi kwikifubisha bwa kwambuula.

KIKUMBASHILO: Bishima na ingi myanda i mu kikumbashilo, ngiloondene nka byayidi mu shapitre. Mulongeshi mulombeene kutala su abitungu kutaluula kikumbashilo ki mu mukanda wa Akitulongyesha Bible nsaa yabakwete kulonga.