Mbikunyi byatudi balombene kwikala balongi ba Bifundwe ba kishima

Okumiina kwikala na lulamato bu Ndanyele sunga nsaa yoodi mu bitompwanga su? Ndanyele baadi elongyela Eyi dy’Efile mukulu mpa na matemuki na kishima. (Nda 9:2) Kwilongyela Bible kalolo nkulombene nkukwasha bwa kwikala na lulamato. Mu kipaso kinyi? Nkulombene kutamisha lukumiino lobe bodya kumona shi milayilo ya Yehowa ayilombana. (Yosh 23:14) Nkulombene dingi nkukwasha bwa kufula Efile Mukulu bikata, na byabya abikutakula mu kukita myanda ibuwa. (Mis 97:10) Kadi we kubanga na kinyi? Taluula ano mayele aalondo.

• Nkinyi akitungu nelongyele? Kwilongyela kwibuwa nkusangye na kulumbuula bisangilo bya mu kakongye. Kubadika kwa Bible kwa lubingo looso kwi nkukwasha su okwete kwata nsaa ya kukimbuula myanda yoshikwete kupusha kalolo. Dingi, bebungi bakwete kwata nsaa ya kwilongyela matemuki a mu Bible, ngikashi ilekenelekene ya kikuba kya kikudi, lwendo lwa Mpoolo mutumibwa bu misionere, sunga bupangi bwa Yehowa. Su otentekyesha lukonko kampanda lwa mu Bible, elufunde bwa nkelutaluula nsaa yoelongyela.

• Nkwikunyi kwandya kupeta ingi myanda? Bwa kupeta angi mayele bandjila video amba shi: Bina mudimo abitukwasha bwa kukimbuula na kupeta mabwe a muulo a mu kikudi. Bwa kutompa ngobesha yobe, kimbuula bwa kuuka akilesha kishima makome abadi baleshe bu nyema mu mukanda wa Ndanyele shapitre 7.

• Abitungu nelongyele munda mwa nsaa inga? Bwa kwikala na bukome bwa mu kikudi, abitungu kwilongyelanga misusa yoso. We kubanga na kwata nsaa ipela, su kwi mushindo, ku kapela kapela wende na kutamisha nsaa. Kwilongyela Eyi dy’Efile Mukulu kwi nka bu kubundula bwa kupeta mabwe a muulo afwame; su botungunuka na kupeta mabwe a muulo, abikutakula bwa kunyisha kubundula! (Nki 2:3-6) Obanga kwata nsaa ibungi ya kwilongyela, paapa kwilongyela Eyi d’Efile Mukulu akwikala bu kyubishi.​—1Mp 2:2.

NYEMA YA MU SHAPITRE 7 A MUKANDA WA NDANYELE AYILESHA KINYI?

• 

  Nda 7:4

• 

  Nda 7:5

• 

  Nda 7:6

• 

  Nda 7:7

BUKOME BWA NSENGA ISHIMA:

Mbikunyi bibaadi Ndanyele 7:8, 24 mulombane?

LUKONKO LWA KUTALUULA MUSUSA AUFIKI:

Nyema ya mu Kibafumbwilwe shapitre 13 ayilesha kinyi??