Okwete kumona ngikashi y’Efile Mukulu ishayimweneka su?

Nsaa yotala kilongo ki n’elangi dibuwa, eyilu di na nyenyenyi sunga mukungulo wa kidiya kya meema, omonaa mudimo ukata wa Mupangi su? Bipangwa bitwifunyishe abilesha ngikashi ya Yehowa ishayimwenkaa. (Lom 1:20) Nsaa yatunangushena ku bintu byatukwete kumona na meeso etu, twi bya kumona bi bukome bw’Efile Mukulu, kifulo, kinangu, bululame mpa na kalolo kaye.—Mis 104:24.

Mmifubo kinyi ya bupangi ya Yehowa yokwete kumona efuku dyoso? Sunga wekala mu kibundji kikata, we mulombene kumona mitshi sunga toonyi. Kubekyela kalolo bipangwa bya Yehowa nkulombene kwitukwasha bwa kupeelesha twinyongoshi twetu, kutula binangu ku myanda i na muulo na kutamisha lukumino lwetu mu ngobesha ya Yehowa ya kulombasha nkalo yetu bwa looso. (Mat 6:25-32) Su we na bana, ebakwashe bwadya kumona kalolo ngikashi ya Yehowa. Mwanda p’atukulu na kusangeela bipangwa bitwifunyishe, atukyebe kwifubwila kwi Mupangi eetu.—Mis 8:3, 4.

TALA VIDEO AKULA SHI: MIFUBO YA KUKAANYA YA BUPANGI AYILESHA NTUMBO Y’EFILE MUKULU—ETAATA N’ELANGI, AKUPU WALULE KU INO NKONKO AYILONDO:

• Tu bintu tupelatupela atutushaa elangi atwitukwashaa bwa kutundula malangi elekene naminyi?

• Nkinyi akibadimishaa bintu?

• Bwakinyi atumonaa malangi elekeene mwiyilu?

• Malangi kinyi omonaa ku bipangwa bi peepi na mbalo yodi?

• Bwakinyi abitungu twate nsaa ya kutala kalolo bipangwa?