Ikala okisha nsaa pamune na bano bafule Yehowa

Bwakinyi abitungu twikale atukisha nsaa pamune na baaba bafule Yehowa? Mwanda bantu batukisha nabo nsaa be kwitutakula ku myanda ibuwa sunga ibubi. (Nki 13:20) Bu kileshesho, Nfumu Yowase “bakitshine myanda ya kalolo ku meeso kwa Yehowa” mu mafuku ooso a tshiite mwakwidi mukata Yekoyada. (2Mya 24:2) Kunyima kwa lufu lwa Yekoyada, Yowase badi musumbushene Yehowa mwanda wa bakuuku bebubi.—2Mya 24:17-19.

Mu mafuku a batumibwa B.B., Mpoolo mutumibwa badi mupwandjikishe kakongye ka beena Kidishitu na “nshibo ikata” na kupwandjikisha bena Kidishitu bu “malonga,” sunga bintu bya mu nshibo. Atushaala bu “malonga a kineemo” su atupele kwikala mu kipwano na muntu ooso sunga mwina kifuko neetu, sunga mwina kakongye akitshi myanda ishayikumina Yehowa. (2Tim 2:20, 21, Esambi dipya) Byabya, twitatshisheyi bwa kwikala mu bukuuku na baaba bafule Yehowa na abetunyingisha bwa kumufubila.

TALA VIDEO AKULA SHI KIMBA BYA KUSUUKA BA KUUKU BEBUBI, AKUPU WALULE KU INO NKONKO AYILONDO:

• Twi kukisha nsaa pamune na bakuuku bebubi kushii kuuka naminyi?

• Nkinyi kibatumono mu video kibadi kikwashe bena Kidishitu basatu bwa kutshiba kipwano na bakuku be bubi?

• Mayi kinyi a kulonda a mu Bible alombene nkukwasha bwa kusangula ba kuku be buwa?