Mushindo watudi balombene kufubisha mishindo ya kubanga mwisambo

Kubanga mu mweshi wa kumpala 2018, mishindo ya kubanga mwisambo mbeyileshe ku kipusu kya Programe a bwina Kidishitu na mudimo wetu. Twibalombene kwiyifubisha naminyi?

Nsaa yodi na mudimo mu bisangilo: Abitungu ofubishe nkonko, kifundwe, mpana mishindo ya kubanga mwisambo. Bino tabilesha’shi abitungu kwakula nka bino byabadi baleshe mu video a mishindo ya kubanga misambo. We mulombene kufubisha mwanda wilekene, ungi bangilo a mwisambo, sunga mweneno kampanda, bilekene na bi mu video. We mulombene kupa dingi muntu mukanda wa mu kashete keetu ka bina mudimo, sunga tambaleshe bwa kukita byabya.

Nsaa yodi mu bulungudi: Mishindo ya kubanga mwisambo mbeyitushe bwa kwitukwasha na binangu. Su muntu balesha lukalo na akumiina kuuka bibungi we mulombene kutungunuka na mwisambo, pangi wekutumikisha kileshesho kya bya kwalukila muntu. Wemulombene kushintula bya kubanga mwisambo ofubisha ungi mwanda wilekene. Mushindo wa kubanga mwishambo wa mweshi ukile sunga kifundwe bikele na bukitshishi bukata mu teritware enu? Kwi mwanda ukitshikye ukwete kukaka binangu bya bantu bebungi mu teritware enu? Mushindo oso wa kubanga mwisambo odi mulombene kusangula bwa kufubisha kepatshila kobe kekale ka “kukita byooso bwa mukandu wi buwa, [bwa kwiulungula bangi].”​—1Kod 9:22, 23.