We mulombeene kutuusha nsaa na bukome boobe su?

Nka bu bibaabadi bapwe kutemuka kwi Yeshaya, kipindji kya ndumbulwilo a Yehowa ki pa nsenga kikwete kwenda na kutama ngofu kukila bibakidi kumpala. (Yesh 54:2) Bino abitekye kwibaka mashibo a Bufumu, a Bikongeno, na a ma Betele apya. Kunyima kwa kwibaka, aa mashibo e na lukalo na kwiabamba mpa na kwibakuula angi. Twi kukita kinyi bwa kupa Yehowa nsaa yeetu na bukomwe bwetu?

• Twi kukwasha mu kusuula nshibo ya Bufumu nsaa yabadi basangule kasaka keetu ka bulungudi

• Twi kukumiina kulonga bya kubamba nshibo y’eetu ya Bufumu

• Twi kuusha esaki dya Demande d’admission comme volontaire locale developpement/construction (DC-50) bwa kukwasha munda mwa mafuku ku mudimo wa lwibako na kubamba mashibo e peepi neetu

• Twi kuusha esaki dya Demande d’admission comme volontaire (A-19) na kukwasha munda mwa lubingo sunga mafuku e bungi mu teritware a Filiale eetu ku Betele sunga mu ingi nshibo ya Filiale

TALA VIDEO AMBA’SHI: KWI MPÁNGO YA LWIBAKO LUPYA​—KAPINDJI, AKUPU WALUULE KU INO NKONKO:

• Mushindo kinyi watukwete kufubisha ma video ngofu binobino kukila mu 2014?

• Bwa kulombasha lukalo lwa ma video aatungu bwa lulangwilo lwetu mpángo kinyi yatshiibwe, na lwalwa lwibako alubanga mafuku kinyi na kufudiila mafuku kinyi?

• Bantu mbalombeene kukwasha ku ino mpángo mushindo kinyi?

• Su atukumiina kukwasha ku lwibako lwa ku Ramapo, bwakinyi abitungu’shi tuushe esaki dya DC-50 na kufuba pamune na departema a lwibako e peepi neetu?

• Nkinyi akitushinkamiisha’shi Yehowa kwete kukunkusha ino mpángo?

• Mmushindo kinyi watudi balombeene kukwatshisheena ku ino mpángo sunga ta twi na mushindo wa kukwasha ku lwibako?