Kwituula pa mbalo ya bangi

Kwituula pa mbalo ya bangi nyi ngobesha ya kupusha bi mu binangu bya muntu, byapusha, myanda yadi mukumiine, na nkalo yaye. Bangi mbalombene kupusha’shi tukwete kwituula pa mbalo yabo na’shi atukumiina kwibakwasha n’eshimba dyoso. Nsaa yatwituulu pa mbalo ya bangi mu bulungudi, atwambula kifulo kya Yehowa na kupasukila bangi, na bino nyi abibatakula bwabadya kwifubwila kwadi.​—Fid 2:4.

Kwituula pa mbalo ya bangi nta mpenda mushindo watufubisha bwa kulongyesha nya, atulesha’shi atwituulu pa mbalo ya bangi patwibateemesha na kalolo, mu ngakwilo etu, byatumweka, byatusanyisha mbidi na mwenekyelo etu a mpala. P’atupasukila muntu binyibinyi, atulesha’shi atwituulu pa mbalo yaye. Atupasukila myanda yaye, nkumiino yaye, na nshalelo aaye. Atumulungula myanda i na muulo na kumukwasha, anka t’atumutakula pa bukopo bwadya kushintuluka. Pe bantu b’atulungula mukandu wibuwa abakumiina bukwashi bwetu, abinyisha kwitwikasha na muloo mu bulungudi.

TALA VIDEO AMBA’SHI PETA MULOO WA KWIKASHA BANTU BU BALONGI​—LONGAMISHA MAYELE OOBE​—KWITUULA PA MBALO YA BANGI, AKUPU WALUULE KU INO NKONKO AYILONDO:

• 

  Mmushindo kinyi wikeele Neeta mwituule pa mbalo ya Rose pekeele mufikye kunyima kwa nsaa?

• 

  Mmushindo kinyi wikeele Neeta mwituule pa mbalo ya Rose p’akwile’shi mmukalakashwe takwi mushindo wa kulonga?

• 

  Mmushindo kinyi wikeele Neeta mwituule pa mbalo ya Rose p’akwile’shi t’awuku kutuula kintu kyoso pa mbalo yakyo?