Tungunuka na kulonga bia kufubisha bukome bobe bua kushingula

Muntu asukaa lubilo, abitungu atungunukie nka na kufubisha mbidi yaye, buaidia kushala yubile. Mu mushindo umune, abitungu tutungunukie na kuikitshisha bua kulonga na kulama bukome buetu bua kushingula. (Eb 5:14) Sunga biekala bibofule bua kuambula bitshibilo bia bangi, abitungu tulongie bia kunangushena na kuiatshila bitshibilo. Buakinyi? Muanda oso a kuatudi akeimukila aye nabene bua bitshibilo biaye.​—Lom 14:12.

Ta tui balombene kupuadikisha’shi atukata bitshibilo bi buwa, penda muanda wa’shi tuibapue kukita bipua bi bungi na kubatshishibua nya. Bua kuata bitshibilo bi buwa, abitungu tukulupile mui Yehowa, mu Eyi diaye, na mui ndumbuluilo aye.​—Yos 1:7, 8; Nki 3:5, 6; Mat 24:45.

TALA VIDEO A “LAMA KONDO K’ESHIMBA KE BUWA,” AKUPU WALULE KU INO NKONKO AILONDO:

• 

  Kitshibilo kinyi kibadi akikiebe kuata Emma?

• 

  Buakinyi abitungu tulekie kuakula mueneno etutue banabene bua muanda utale kondo k’eshimba ka bangi?

• 

  Elango kinyi di buwa dibadi ungi mulume na mukashi bape Emma?

• 

  Nkunyi kupete Emma mianda imukuashe bua muanda waye?