FUBA KALOLO MU BULUNGUDI | TAMISHA MULOO OOBE MU BULUNGUDI
Kumina bukuashi bwa balungudi nobe
Bua kuitukuasha, Yehowa muitupe bakuetu balume na bakashi be mu ‘nsenga ishima.’ (1Mp 5:9) Mbalombene kuitukuasha bua kunyingila nkalakashi mu bulungudi. Bu kileshesho, Mutumibua Mpoolo badi mupete bukuashi kui Akila na Prisile, Silase, Timote na bangi.—Bik 18:1-5.
Mbikunyi bilombene balungudi nobe nkukuasha mu bulungudi? Mbalombene nkulungula mianda aikukuasha bua kukambila mianda y’ofumankana nayo mu bulungudi, bua kualukila bantu, bia kubanga kulonga bible na bantu, na kukunkusha kulonga kua Bible. Nangushena pabitale muntu a mu kakongye kenu mulombene nkukuasha na kuomutekie bukuashi. Kushi mpaka, abinukuasha anue boso na kuinupa muloo.—Fid 1:25.
TALA VIDEO AMBA’SHI PETA MULOO WA KWIKASHA BANTU BU BALONGI—KUMIINA BUKWASHI BWA YEHOWA—BAKWETU, AKUPU WALULE KU INO NKONKO AILONDO:
Neeta badi mukite naminyi bua kunyingisha Rose bua kutuela mu bisangilo bia kakongye?
Buakinyi abitungu kuitamina bangi balungudi buashi bapetekielue nsa y’atulongo Bible na muntu?
Kakongye kashima akafubaa pamune bwa kwikasha muntu bu mulongi
Abigay na Rose bekele na mianda kinyi i mumune?
Balungudi nobe be nkulongiesha mayele kinyi a bulungudi?