We muilumbuule bua kuuka kia kukita nsaa ayitusha bantu kafutakanyi?

Bu abiende na kuifubuila nfudilo a uno ndumbuluilo, tutengiele’shi bantu abatusha kafutakanyi, terrorisme, na ngoshi abifuimi? (Kibaf 6:4) Mushindo kinyi watudia kuilumbuula bua nkalakashi ayifiki kumpala?

• Elumbuule mu kikudi: Kimba mayi a kulonda a mu Bible na miisambo ayinyigisha lukulupilo lobe mui Yehowa na mui ndumbuluilo aye na ayikukuasha bua kupela kutuelakana mu mianda ya ino nsega. (Nki 12:5; jr-F 125-126 ¶23-24) Ino nyi nsaa yatudia kunyingisha kipuano kietu na bena kakongie.​—1Mp 4:7, 8

• Elumbuule ku mbidi: Elumbule bodia kuikaluila su tuena mushindo wa kusuka. Na wekale na bintu bilombene nkukuasha, kimba mayele a nkukuasha su biatunga shi osukie. Taluula bintu bi mu kabuta kobe ka kusuka nako na wemuele bintu bilombene nkukuasha na makuta. Ikala na nimero ya bakulu, na wekale mushikamishe’shi abo namu bena yobe.​—Yesh 32:2; g17-F.5 3-7

Nsaa ayituuku kafutakanyi, lama biubishi biobe bia mu kikudi. (Fid 1:10) Su t’abitungu’shi osukie, shala’nka mbalo imune kushi kutabakana. (Mat 10:16) Pa namu bangi bantu bia kudia na bingi bintu.​—Lom 12:13

LESHA VIDEO AMBA’SHI WE MUILUMBUULE APATUKU MASAKU? AKUPU NUALULE KU INO NKONKO AYILONDO:

• Mbikunyi bilombene Yehowa kuitukuasha mu nsaa ya masaku?

• Nkinyi kiatudi balombene kukita bua kuilumbuula?

• Mushindo kinyi watudi balombene kukuasha bangi bapetekielue na masaku?