Peta binangu pabitale nshalelo efuku n’efuku mu JW.ORG

Eyi di’Efile Mukulu aditupaa bioso biatudi nabio lukalo bua kunyingila nkalakashi yatudi nayo mu ano mafuku e bukopo a ku nfudilo. (2Tim 3:1, 16, 17) Anka, ingi nsaa tui kuikala na lukalo lua kupeta mayi a kulonda a mu Bible pabitale muanda kampanda. Bu kileshesho, we nambutuile a kimbi malango pabitale bia kukusha bana su? We nsongua a kimbi bia kupua nkalakashi ayitompo lukumino lobe? We muinyongole pa muanda wa lufu lua muina dibaka nobe? Mu jw.org, opete miisambo ayikukuasha bua kupeta mayi a kulonda a mu Bible pabitale nkalakashi yobe na ingi mianda.​—Nki 2:3-6.

Tuela mu jw.org pa mbalo ifunde’shi MALONGYESHA A MU BIBLE. (Tala kifuatulo 1.) Muamua, osangule catégorie k’okimbi. Sunga tuela mu BIBLIOTEKE > MIISAMBO na osangule mbalo y’okimbi. (Tala kifuatulo 2.) We kupeta dingi ano oso ma catégorie mu JW Library^®.a We kusangela miisambo y’opete mu ano ma mbalo. Ungi mushindo wa kupeta muisambo kampanda okimbi, pa kufubisha kashibo ka kukimba ke mu jw.org.

Funda ino miisambo ayilondo mu kashibo ka kukimba, na ofunde p’esaki miisambo y’okumina kubadika.

• Kukusha bana

• Bukwashi bwa ba nsongua

• Bukwashi bwa kifuko