NSHALELO A BUINA NKIDISHITU
Elumbuule binobino bua nkabukibua nsaa yokumbu sunga yopete masaku
Buakinyi kuilumbuula? Mikumbo na masaku bilombene kuitufikila mu kabasamushi. Biabia elumbuule bua nkabukibua kalolo su ino mianda yakufuila mu kabasamushi. Su bokitshi biabia olesha’shi onemeka muwa na muiya wa Yehowa pabitale mase.—Bik 15:28, 29.
Kinyi kodia kukita bua kuilumbuula?
Teka Yehowa na uusha kalolo Instruction médicales/Désignation d’une personne de confiance, karte ka (DPA).a Balungudi babatshishibue mbalombene kuteka muntu atala mikanda mu kakongie kabo karte DPA buabo’bo banabene, na karte d’indentite (ic) bua bana babo bakinga
Su wen’eyimi, teka bakulu ba mu kakongie kenu esaki adiamba’shi: Mianda ya kuukisha bakashi basha mayimi (S-401). Dino esaki dilombene nkukuasha bua kuata bitshibilo bibuwa pabitale kubukibua su nkalakashi yamueka podi n’eyimi sunga pa kutanda
Su mukumbo oobe wi nkatunga kubukibua na mase sunga kulamibua ku lupitalo, lungula bakulu kumpala kua nsaa na olungule bena lupitalo’shi okumina’shi Tumonyi tua Yehowa tufikie munkutembela
Bakulu be nkukuasha naminyi? Balombene nkukuasha bua kuusha karte ka DPA. Anka, bakulu ta mbalombene nkuatshila kitshibilo pabitale mushindo w’odia kubukibua, sunga kulesha bi mueneno yabo pabitale muanda autungu’shi muntu nabene eatshile kitshibilo. (Lom 14:12; Nga 6:5) Nsaa y’olungula bakulu ba mu kakongie kenu’shi, mukumbo oobe ngulombene nkatusha lukalakashi lua kuedibua mase, musango umune abetamina Komite a kuisamba na ba munganga (CLH).
Bena CLH be nkukuasha naminyi? Bakuetu abafubaa ku CLH bebalongieshe buabadia kukuasha ba minganga na bantu abatala mianda ya miya, buabadia kupusha bi mueneno etu pabitale mase. Balombene kuisamba na muntu a kukulupila odi musangule pabitale mushindo wa kubukibua kushi kuedibua mase. Pakudi lukalo, balombene nkukuasha bua kupeta doktere anemeka kitshibilo kiobe kia kupela kuedibua mase.
TALAYI VIDEO AMBA’SHI BIA KUATA KITSHIBILO PABITALE KUBUKIBUA NA MANGA AKITSHIBUE NA TUNTU TUPELA TUA MU MASE, AKUPU NUALULE LUNO LUKONKO:
Nkinyi kibolongiela ku uno video, kilombene nkukuasha bua kuilumbula pabitale mushindo wabadia nkubuka nsaa ayituku masaku sunga maladi aatungu’shi bakuele mase?
a Dilongiesha 39 dia mukanda wa We kuikala na muloo bua loso! ndilombene nkukuasha bua kuata bitshibilo pabitale mushindo wa kubukibua ulombene kuteka kufubisha mase.