NSHALELO A BUINA NKIDISHITU
Kimba bi binangu bi’Efile Mukulu
Atukumiina kusankisha Yehowa mu bioso biatukitshi. (Nki 27:11) Bua kuibikita, abitungu tuate bitshibilo abilesha bi binangu biaye nsaa yakushi muiya utookane awituludika. Nkinyi kilombene kuitukuasha bua kuibikita?
Lama kiubishi kia kuilongiela Bible efuku dioso. Nsaa yatubadika Bible, binka bu’tue abakisha nsaa pamune na Yehowa. Tui kulonga pabitale mushindo aunangushena Yehowa pa kutala biakitshina bafubi baaye mianda, pakutaluula bileshesho bia baaba abaadi bakite bibuwa, sunga bi bubi ku meso aaye. Nsaa yatukiebe kuata kitshibilo, kikudi kiselele ki kuitutentekesha malongiesha ena muulo na mayi a kulonda atudi balongie muiyi di’Efile Mukulu.—Yo 14:26.
Kimbuula. Kumpala kua kuata kitshibilo eyipushe’shi: ‘Verse kinyi sunga muanda kinyi wi mu Bible ulombene kunkuasha bua kupusha mushindo awipusha Yehowa pabitale uno muanda?’ Teka Yehowa bukuashi na kimbuula mu bina mudimo bi kuanka mu ludimi luenu, bodia kupeta mayi a kulonda a mu Bible epushene na muanda oobe.—Mis 25:4.
TALA VIDEO AMBA’SHI ABITUNGU ’TUSUUKYE NA MUFWAKA’—DYA BIDIBWA BIBUWA, AKUPU NUALULE KU INO NKONKO:
Mu video nkalakashi kinyi ibapete mukuetu mukashi nsongua?
Mbikunyi biodi mulombene kufubisha bina mudimo bia kukimbuula, bilombene nkukuasha bua kupua nkalakashi i mumune na yaye?
Miabi kinyi yatudi balombene kupeta patuata nsaa ya kukimbuula na kuipaana mu kuilongiela bua kuata bitshibilo bi buwa?—Eb 5:13, 14