We kuikasha kifuko kiobe na muloo

Yehowa akumiina’shi bifuko bikale na muloo. (Mis 127:3-5; Mul 9:9; 11:9) Anka, tuibalombene kushimisha muloo wetu pa muanda wa tuinyongoshi tua mu ino nsenga, na bilubilo bia bena kifuko netu. Nkinyi kiakukita muntu oso bua kuikasha muloo mu kifuko?

Mulume aleshe mukashi aye kineemo. (1Mp 3:7) Ekale akisha naye nsaa pamune. Ekale na nkatshinkatshi pabitale biatengiela’shi mukashi aye akite, na amuleshe lutumbu bua biakuete kumukitshina aye na kifuko kishima. (Kol 3:15) Amulungule’shi mumufule na ekale amusaamuna.—Nki 31:28, 31.

Mukashi akimbe mishindo ya kukuasha mulume aye. (Nki 31:12) Akookiele mulume aye, na amukuatshishene. (Kol 3:18) Akule naye na kalolo, na akule bibuwa bua mulume aye pashi panka.—Nki 31:26.

Baledi, kishayi nsaa pamune na bana benu. (Miy 6:6, 7) Nuibalungule’shi nuibebafule. (Mat 3:17) Nsaa yanunyooko bana, ebalesheyi kifulo na nuikale na nkatshinkatshi.—Ef 6:4.

Bana, nemekayi baledi benu na nuibakookiele. (Nki 23:22) Lungulayi baledi benu bi binangu bienu na bianuipusha. Kumiinayi dinyooka diabo na nuibaleshe kanemo.—Nki 19:20.

TALAYI VIDEO AMBA’SHI IKALA NA MULOO MU KIFUKO KYOBE, NA NUALUULE LUNO LUKONKO:

Nkinyi kibakitshi muntu oso bua kuikasha muloo mu kifuko?