Muanda wabadi bamone kui muntu

Kulesha lusa kui bantu ba mishindo yooso

Dingi efuku, ungi mukuetu mukashi a mu Nouvelle-Zélande baadi mubandile video amba’shi: “Soucions-nous les uns . . . des autres,” alesha’shi Yehowa ta pushaa penda lusa nya, kadi eluleshaa. (Yesh. 63:​7-9) Baadi mutumikile bino bibaalongiele pa kukimba mishindo ya kukuasha bangi. Kunyima kua diadia efuku, aye ende mu kutemba, bafumankeene na mungi muana mukashi shina mbalo ya kushaala, n’aye nkuipusha yawa muana mukashi su akumiina amudile bia kudia. Yawa muana mukashi baadi mukumiine. Pabafikile mukuetu mukashi na bidibua apa yawa muana mukashi, akupu alungula yawa muana mukashi mukundu wi buwa ku bukuashi bua trakte amba’shi: Kwi efuku adikapu makyenga su?

Yawa muana mukashi babangile kudila. Baadi mupatuule’shi ne mukudile mu kifuko kia Tumonyi tua Yehowa, kadi mmulekie bia binyibinyi ta kudi bipua bi bungi. Anka binobino, mmubangie kuela nteko bua’shi Yehowa amukuashe alukiile kuadi. Mukuetu mukashi mumupe Bible na amuteka bua’shi balongie naaye Bible, na uno muana mukashi mmukumiine.a

Abitungu tuambule lusa lua Yehowa bua bantu, mpaa na bakuetu ba mu kifuko, na bakuetu balume na bakashi ba mu kakongie. Tui kulesha nsaa y’atukimbi mishindo ya kulungula bangi mukandu wi buwa.