Baadi afuila bantu lusa kumpala kua’shi Nkuulo tayekeele kuanka

Tui balombene kufuidibua lusa nka penda ku mulambu wa nkuulo ya Yesu ibaadi mutuushe na mase aaye. (Ef. 1:7) Anka, Bible amba’shi: “Efile Mukulu baadi mulekieele mianda pabaadi mufuile bantu babaadi abakitshi miluisho kala lusa,” kuamba’shi, kumpala kua Yesu kutuusha nkuulo. (Lom. 3:25, mayi e kuushi ku’esaki.) Mmushindo kinyi ubaadi Yehowa mulombene kukita bino, na mu yaaya nsaa imune alama mayi a kulonda apuidikie na alulame?

Yehowa baadi mulee “kekulu” kabaadi kalombene kupaasha baaba booso abatuulu lukumiino muadi, na mu milayilo Yaaye. Pa batushiishe wawa mulayilo bibaadi nka bu’shi mmupue kutuusha nkuulo. (Kib. 3:15; 22:18) Efile Mukulu baadi mushinkamishe’shi Muana aaye akumiina kutuusha nkuulo mu kipungo akikumiina Efile Mukulu nabene. (Nga. 4:4; Eb. 10:7-10) Pabaadi alesha mpala y’Efile Mukulu pano pa nsenga, Yesu baadi na matalua a kufuila bantu lusa ku miluisho yabo kumpala kua’shi atuushe nkuulo. Baadi mukite bino bua kulesha bi kineemo kia mulambu wa nkuulo w’akatuusha bua bantu ba sha lukumiino mu mafuku aafiki.​—Mat. 9:2-6.