Fubisha Bible bu lumueno

Mulongi Yakobo baadi mupuandikishe Bible na lumueno aluitukuashaa bua kuimona kiatudi binyibinyi. (Yak. 1:22-25) Mushindo kinyi watudia kufubisha Bible bu lumueno?

Mubadikie kapelakapela. Su tuetala lubilolubilo mu lumueno, tui kukutua kumona mbalo ayitungu kulumbuula. Mu mushindo umune, su atubadika Bible lubilolubilo, tatumono ma mbalo aatungu’shi tulumbuule, nyi buakinyi abitungu tubadikie Bible kapelakapela.

Etale obe nabene kushi kutala bangi. Ingi nsaa patudi kumpala kua lumueno, tui kumona ungi muntu na kubanga kukimba mbalo ayitungu’shi alumbuule. Mu mushindo umune, tui kufubisha Bible bua kukimba bilubilo bia bangi. Anka, bino tabitukuasha bua kulumbuula bilubilo bietu’tue banabene.

Ikala na nkatshinkatshi. Su nsaa yatuitala mu lumueno, atumonaa nka penda mianda ayitungu’shi tulumbuule, mbilombene kuitubofusha. Abitungu tuikale na nkatshinkatshi nsaa yatubadika Eyi di’Efile Mukulu, tatuimonanga bu bapuidikie, kadi tuimone bu abitumonaa Yehowa.​—Yak. 3:17.