Mianda ayikukuasha bua kubadika Bible efuku dioso

Pa muanda tui na bintu bi bungi bia kukita, abikuelelaa bukopo bua kubadika Bible efuku dioso su? (Yos. 1:8) Su bi biabia, tompa ano mayele aalondo:

• Ela alarme. Mu telefone oobe, ela alarme ankutentekieshanga bua kubadika Bible efuku dioso.

• Tuula Bible oobe mbalo yodia kumumonanga. Su obadikaa Bible e ku masaki, mutuule mbalo yodia kumumonanga efuku dioso.​—Det. 11:18.

• Teemesha Bible e na mayi akobole. We kukita bino nsaa yokitshi mifubo yobe. Tara, mbala-mashinda na nyina bana afubaa bufuku amba’shi: “Kuteemesha Bible e na mayi akobole nsaa yankitshi midimo ya mu nshibo, akunkuashaa bua kubadika Bible efuku dioso.”

• Tokookanga. Su muanda wa mu kimpulukamba waluisha programe oobe, badika sunga verse ipela kumpala kua kulaala. Sunga obadika penda verse ipela efuku dioso, ayikukuasha.​—1 Mp. 2:2.