Kimba ba kuuku bua kukambila kuipusha bupenka​—Bilombene kukuasha Bible

Mu 2023 ba munganga be bungi mbasangane’shi kuipusha kua bupenka nyi muanda ukata wikele ukalakashe bukome bua mbidi bua bantu ngofu. Kui bia kuikukambila su?

• Dr. Vivek Murthy, (Adminstrateur de la santé publique des États-Unis) amba’shi: “Nsaa y’atuipusha bupenka na tui kula na bantu, mbilombene kuitukiengiesha ku mbidi mpa na kuitukutshishua muloo.” Akumbasha’shi: “Kui kintu kiatudia kukia bua kuikukambila.” Nkinyi kiatudia kukita? “Nkukita tuntu tupeela efuku dioso bua kunyingisha kipuano kietu na bangi.”a

T’atuipusha bupenka penda nsaa yatudi kula na bantu nya. Bangi bantu mbalombene kuipusha bupenka sunga pabadi munkatshi mua bantu be bungi. Sunga kuekala kabingilo ke naminyi ka kuipusha bupenka, Bible mmulombene kukuasha. Mu Bible mui malango e buwa e kuitukuasha bua kulua na binangu bia kuipusha bupenka pa kunyingisha kipuano kietu na bangi.

Malango a mu Bible alombene kukuasha

Ikala wesamba kalolo. Bino ta mbitale penda kulungula bangi biopusha nya, kadi mbitale dingi kuteemesha bangi kalolo nsaa y’abakula biabapusha. Nsaa yolesha bangi’shi okuete kuibapasukila, kipuano kiobe nabo akitama.

• Elango dia mu Bible: “Tanuikimbilanga nka penda buwa buenu, anka nukimbe namu buwa bua bangi.”​—Bena Fidipe 2:4.

Tamisha kisaka kiobe kia ba kuuku. Kumiina kudia bu kuuku na bakulu boobe, bena boobe, bantu ba kangi kabila, sunga ba mu dingi eumbo.

• Elango dia mu Bible: “Fungulayi mashimba enu bikata.”​—2 Bena Kodinda 6:13.

Bua kuuka mianda ibungi pabitale bia kunyingisha kipuano kiobe na bangi, badika muisambo awamba’shi: “Comment combler notre besoin d’amitié.”