Mayi e ku nfudiilo

c Uno mwisambo wi mu Bible awituleesha bileshesho bibidi bya kukutwa kwa kaneemo. Kya kumpala, Miiya ibaadi ayileesha mabishi a kulambula ababadi balombeene kudya kwi ba tshiite-mwakwidi. (Miy. 18:3) Kadi ku tabernakele, ba tshiite-mwakwidi babi abaadi bakite kingi kintu kikutwene. Abaadi abalungula bafubi baabo bwabadya kwela lusomo lukata mu lweso mubaadi amusaka mwita na kwata kisudi kya kumpala kibabadi abakumiina kwata! Kya kabidi, pabaadi bantu abafiki na milambu yaabo bwa kulambula ku kilambwilo, ba tshiite-mwakwidi babi abaadi abakumiina kukitshisha bangi bantu myanda pa bukopo, bebatekanga mwita ubishi kumpala kwa’shi balambule Yehowa mwimu.​—Lv. 3:3-5; 1 Sam. 2:13-17.