Yobo

 4 Otompo kuisamba na nanyi,

Na nnanyi mukutakule bua kuakula mianda i biabia?*

 5 Baba bashi na bukome mu lufu bakuete kusuusa;

Be mpa na kuushi kua mema na kua bintu bishale muanka.

 6 Mashama* e musua kumpala ku’Efile Mukulu,

Na mbalo ya kabutu* tangipuute.

 7 Mmuadishe eyilu dia lupese lua dia kunundu* mbalo i bisumanga,

Mmutuule nsenga pashi kintu;

 8 Mmufungiile mema mu makumbi aaye,

Buashi makumbi ta atanyikanga pa muanda wa bushito buao;

 9 Mmushikie nkuasa aaye a bufumu buashi tamuekanga,

Mmuadishe ekumbi diaye panundu paye.

10 Mmuele mukalo pankatshi pa eyilu na kalunga ka mema;

Mmuele mukalo pankatshi pa etaata na mufito.

11 Misungo y’eyilu ayisuusu;

Ayikaanya muanda wa kusaashila kuaye.

12 Atombosha kalunga ka mema na bukome buaye,

Na kukiila ku binangu biaye atshibi nyema mukata a mu kalunga ka mema* bipindi bipindi.

13 Asulaa makumbi na muwa* waye;

Maasa aaye aatubula nyoka shakuatshibuaa.*

14 Talayi! Ino mpenda mianda ipeela ya ku mifubo yaye;

Mpenda miununo ipeela ipushikie pa muanda waye!