Mikanda yatudi bafubishe mu Programe a bisangilo bya Bwina Kidishitu na mudimo wetu
LUBINGO LWA 1-7/3
BUPETA BWA MWIYI DY’EFILE MUKULU | MBADIKO 7-8
“Kyatulongyela ku kishalelo kya bena Isaleele”
it-1-F 508 ¶5
Kakongye
Misusa ibungi, mu Isaleele, bakunkushi babaadi abakitshi myanda mwishina dya mwilo. (Esel 10:14) Byabya, “ba mfumu ba bisamba” nyi babalambwile milambu pabapwile kwibakibwa tabernakele. (Mb 7:1-11) Nadingi, ba tshiite-mwakwidi, bena Levi na ‘ba mfumu ba mwilo’, nyi babaadi beele bitampi mwishina dya bakwabo bwa kushinkamisha “kipwano kinyingye” kibaabadi bakite mu mafuku a Neemiya. (Ne 9:38–10:27) Pabaadi apende bena Isaleele mu kabaaka, kubaadi “bakata ba tukongye, batumiibwe ba kakongye, bantu be na nkumo”, na mukantshi mwabo nyi mwi bantu 250 babaadi bakile lupese lwa Kora, Datane, Abirame na One bwabadya kwibungila Moyise na Arone. (Mb 16:1-3) Muyile buludiki bw’Efile Mukulu, Moyise basangwile balume 70 munkatshi mwa bakulu ba mwilo wa Isaleele, bwa’shi bamukwashe bwa kusemuna “bushito bwa mwilo” bwashii baadi bya kutwala bupenka. (Mb 11:16, 17, 24, 25) Mukanda wa Bena-Levi 4:15 awakula pabitale “bakulu ba kakongye”, na abimweka’shi bakunkushi ba bantu babaadi bakulu ba mwilo, ba mfumu bawo, bansushi bawo, na batumiibwe ba kakongye.—Mb 1:4, 16; Yos 23:2; 24:1.
it-2-F 835-836 ¶9
Rubene
Mu kishalelo kya bena Isaleele, kuushi kwa tabernakele kubaadi bana ba Rubene, bekulu ba Simeone na bekulu ba Gade. Nsaa ya kwenda ingi mbalo, kino kisaka kya bisamba bisatu kibaadi akikunkushibwa na Rubene, kibaadi akilondo kisaka kya bisamba bisatu kya Yuuda, kya Isakare, na kya Zabulone. (Mb 2:10-16; 10:14-20) Mwifuku dibaabadi bafungule tabernakele bwa kubanga kumufubisha, bisamba bibaadi bitushe milambu muyile kuno kwilondena.—Mb 7:1, 2, 10-47.
w04-F 1/8 25 ¶1
Myanda ikata ya mu mukanda wa Mbadiko
8:25, 26. Bwa kushinkamisha’shi midimo ya bena Levi ibaadi na kya kukitshika kalolo, na bwa kupasukila baaba babaadi bapwe kukula, babaadi batshibe bipwa abitungu’shi balekye mudimo. Anka, su bakumiina, babaadi balombene kutungunuka na kukwasha bangi bena Levi. Sunga mbyakushi bungi bwa bipwa butshibibwe bwa kuleka kulungula mukandu wibuwa lelo uno, Eyi dya kulonda dy’atulongyela ku uno mwiya, di na muulo ukata. Su pamwanda wa kukula mwina Kidishitu taki byakulombasha ingi midimo yaye, e kukita ingi midimo muyile bukome bwaye.
Mabwe a muulo a mu kikudi
it-2-F 637
Mwana mbedi
Bu bibaadi bana mbedi ba bena Isaleele na kyankekala bamfumu ba mashibo elekene, babaadi abalesha mpala ya mwilo oso ushima. Nyi bwakinyi Yehowa baadi ayitanyina mwilo oso ushima bu “mwana mbedi,” ubaadi binyibinyi bu mwana mbedi mwanda wa kilombeeno kibaadi mukite na Abalahame. (Efi 4:22) Bu bibaadi mulame bana mbedi na muwa, Yehowa bambile’shi “mbedi ooso mulume uno ashikul’eshinda bwa bakwabo munkatshy’a baana ba Isaleele, munkatshy’a bantu sunga munkatshy’a nyema,” ekale mushidilwe bwaye. (Efi 13:2) Byabya, bana mbedi boso babaadi balambulw’Efile Mukulu.
LUBINGO LWA 8-14/3
BUPETA BWA MWIYI DY’EFILE MUKULU | MBADIKO 9-10
“Yehowa akunkushaa mwilo waye mushindo kinyi?”
it-1-F 386 ¶5
Kishalelo
Pabitale kukatuka kwa kino kishalelo kikata bwa kwenda ingi mbalo, (mu Mbadiko 33 Moyise alesha ma mbalo 40 abaabadi bashale) bino abilesha’shi babaadi balumbuule mu kipaso kya kukaanya. Pabaadi ekumbi adiimana kunundu kwa tabernakele, kishalelo kibaadi akishala nka yaaya mbalo. Su ekumbi dibabanga lwendo, kishalelo namu kibaadi akibanga lwendo. “Kwiyi dya Yehowa, bena Isaleele babakatukanga. Kwiyi dya Yehowa, babashimikanga dingi bishalelo byabo.” (Mb 9:15-23) Mpungi ibidi ya kyamo ky’ebàkanyi, ibaadi ayikwasha bwa kuukisha kishalelo kyoso kishima buludiki bwa Yehowa. (Mb 10:2, 5, 6) Babaadi abeele mpungi n’eyi adikaamina na kwiika bwa kuukisha be mu kishalelo nsaa ya lwendo. Bino bibaadi bikitshikye bwa musango wa kumpala, “mwifuku dya makumi-abidi dya mweshi wa kabidi mu kipwa kya kabidi” [1512 K.B.B.]. Na musheto wa kilombeeno kumpala, kisaka kya kumpala kya bisamba bisatu, kibaadi akikunkushibwa na Yuuda, kibaadi kilondelwe na kya Isakare, na kya Zabulone kibabangile lwendo. Bena Gershone na bena Merari babaadi na mudimo wa kutwala bintu bya tabernakele, babaadi balondele kino kisaka. Dingi Kisaka kya bisamba bisatu kibaadi akikunkushibwa na Rubene, kibaadi akilondena na kya Simeone, na kya Gaade. Kumongo kwabo kubaadi bena Kehate babaadi basemune bintu bya mu mbalo iselele. Akupu, kisaka kya bisamba bisatu kya Efraime kibaabadi abalondela kwi kya Manase na kya Beyamine. Ku nfudilo kubaadi kisaka kibaabadi abakunkusha kwi Dane, kibaadi pamune na kya Ashere na kya Nefetali. Byabya, bisaka bibidi bibaadi bukome na bibaadi na bantu be bungi, bibaadi abilama kumpala na kunyima.—Mb 10:11-28.
w11-F 15/4 4-5
Okwete kumona bitundwilo abilesha buludiki bw’Efile Mukulu su?
Mbikunyi byatudi balombene kulesha’shi atukumiina buludiki bw’Efile Mukulu? Mpoolo mutumiibwa bakwile’shi: “Kookyelayi bakunkushi beenu, na ikalaayi beyishe.” (Eb. 13:17) Anka, kwibikita ta nkubofule misusa yoso nya. Bwa kwibipusha kalolo tubande kwata kileshesho: Etuule pa mbalo ya mwina Isaleele mu mafuku a Moyise. Pwandjikisha’shi kunyima kwa anwe kutambuka kipindji, ekumbi dibayimana. Adishala paapa mafuku bungi kinyi? Efuku dimune? Ndubingo? Su mmyeshi ibungi? Obanda kwiyipusha su bi na muulo kufungula bintu byobe byoso. Kya kumpala, ofungula penda bintu byodi nabyo lukalo. Kunyima kwa mafuku apeela, bokooko na kukimba kintu kampanda mu bintu byobe, akupu bwata kitshibilo kya kufungula bintu byobe byoso. Ank’obe kyapu kufungula, ekumbi dibayimana bwa lwendo—tabitungu dingi’shi ofungye bintu byobe byoso! Bino tabibaadi bilombene kwikala bibofule nya. Byabya, bibaadi abitungu’shi bena Isaleele “bakatushe kishalelo mususa umune.”—Mb. 9:17-22.
Atukitaa naminyi nsaa y’atupete buludiki bw’Efile Mukulu? Atwikitshishaa bwa kwibufubisha “mususa umune” su? Su atutungunukaa na kukita myanda anka byatwiyikitanga kumpala? Twi bapwe kwiwubidishena na buludiki bupya pabitale bya kulonga Bible na bantu, kulungula bantu abakula ludimi lwenyi, kukita kwa lulangwilo lwa mu kifuko pa kyubishi, kwisamba na Komite a kwisamba na ba minganga, na mushindo wa kukita myanda ku bikongeno byetu su? Atulesha dingi’shi atukumiina buludiki bw’Efile Mukulu nsaa y’atukumiina malango. Nsaa ayitungu’shi twate bitshibilo bi na muulo ukata, ta twikulupilaa mu binangu byetu’twe banabene nya, kadi atukimbaa buludiki bwa Yehowa na bwa ndumbulwilo aaye. Nka’bu abifwamaa bana kwi baledi baabo, nsaa yakudi kipapi kibukopo, n’atwe namu atukimbaa bwa’shi ndumbulwilo a Yehowa etukalwile nsaa y’atupete nkalakashi ya mu uno ndumbulwilo.
Mabwe a muulo a mu kikudi
it-1-F 207 ¶7
Kwibunga
Muulo wa kwibunga. Kukitanga kwa Pasaka ku kipwa kyoso, akulesha muulo wa kukwatshishena mpángo yate Yehowa bwa kubunga mwilo waye na kwiwudishanga mu kikudi. Mwana mulume oso baadi shii butete na shii baadi mu lwendo, kadi baadi alenguula kukita kwa Pasaka, baadi na kya kwipayibwa. (Mb 9:9-14) Nsaa ibaadi mfumu Ezekyase mwitanyine bena Yuuda, na bena Isaleele ku Yelusaleme bwa kukita Pasaka, baadi mwibalungule bino: “Anwe baana ba Isaleele eyalusheyi kwi Yehowa . . .tanupapishanga mitwe yeenu bu baamasheenu. Wolwelaayi Yehowa maasa, nufikye ku mbalo yaaye ya kishila yaadi musampe bwa looso; Fubilayi Yehowa Efil’eenu, bwa’shi akumbe nsungu yaaye kula neenu. . . . Mwanda Yehowa Efile eenu, nsha-lusa na kalolo. Su nwealusha kwadi, teenufi dimo lukyebo lwaye nya.” (2 Mya 30:6-9) Mwina Isaleele shibaadi na kya kufika mu kukumiina kwaye’ye nabene, baadi alesha’shi basumbushena Efile Mukulu. Sunga byekala’shi bena Kidishitu tabasangelaa Pasaka na ingi misangeelo i mumune, Mpoolo baadi mwibanyingishe bwa kupela kusumbushena kwibunga kwa pa kyubishi kwa mwilo w’Efile Mukulu pa kutusha dino elango di na muulo’shi: “Tatupungilanga kufika ku biikongeeno byeetu, bu bibaabanga bangi kyaakya kyuubishi, anka twinyingisheeneeyi ku mashimba, nkibinkibi pano paanumono’shi efuku dya Yehowa dibeeseesela peepi.”—Eb 10:24, 25; tala CONGRÉGATION.
LUBINGO LWA 15-21/3
BUPETA BWA MWIYI DY’EFILE MUKULU | MBADIKO 11-12
“Bwakinyi abitungu’shi tupele kikudi kya kwidila?”
w01-F 15/6 17 ¶20
Tanwikalanga bapushi ba sha kiilwa
20 Bena Kidishitu be bungi t’abaponaa mu muteo wa kutambuka kwa lusandji nya. Kadi, abitungu twikale badimukye bwa kupela kwikala na mmweneno mulombene kwitutakula mu kuwunawuna na byetufikisha mu kupela kukuminyibwa n’Efile Mukulu. Mpoolo etudimusha’shi: “Tatutompanga [Yehowa] bu bibamutompele bangi ba munkatshi mw’abo [bena Isaleele] na babayipayilwe na manyoka. Tanuununanga bu bibaununwine bangi ba munkatshi mw’abo na babayipayilwe na lubutula.” (1 Bena-Kodinda 10:9, 10, Kilombeeno kipya 2014) Bena Isaleele babaadi abawunawuna pabitale Moyise na Arone—mpaa na pabitale Efile Mukulu nabene—babaadi abedidi pabitale mana aku namu baadi mwibatushile anka mu kilengyeleshi. (Mbadiko 16:41; 21:5) Yehowa baadi mufiite munda ngofu pa baabadi bawunewune kukila pa baabadi batambukye lusandji su? Bible alesha’shi be bungi babaadi bawunewune baabadi bayipayibwe na manyoka. (Mbadiko 21:6) Kumpala kwa paapa, bantu bakile pa 14 700 babaadi batombokye pa’abo kuwunawuna babaadi’nyi bayipayibwe. (Mbadiko 16:49) Byabya, tatutompanga lwishinko lwa Yehowa pa kubepuula byakwete kwitupa.
w06-F 15/7 15 ¶7
‘Elameyi ku kuwunawuna’
7 Ngyelelo a binangu a bena Isaleele baadi mushintulukye ngofu! Lutumbu lubaabadi nalo kumpala lwa bibaabadi bebatushe mu Ejipitu, na lwa kwibapaasha ku Kalunga Kamonga, lubaadi lwibatakule mu kuyimba ngono ya kutumbisha nayo Yehowa. (Efilu 15:1-21) Pa mwanda wa nkalakashi ibaabafumankeene nayo mu kabaaka, na moo ubaabadi nao bwa bena Kanana, babaadi bashimishe lutumbu lwabo na abo nkukutwa kusanka na bibaabadi nabyo. Byabya, pamutwe pa kutumbula Efile Mukulu bwa bibaadi mwibapaashe, babaadi abamutopeka bwa bintu bibaabadi abamono’shi nta mwibape. Kuwunawuna kwabo kubaadi dingi akulesha kukutwa kwa lutumbu bwa bintu bibaadi Yehowa mwibape. T’abikaanyisha pabaadi Yehowa mwakule’shi: “Naayikala naa kano kakongye ka bantu bee bubi, kashyaakakyebe kunkookyela, na ku nguba kinyi?”—Mbadiko 14:27; 21:5.
it-2-F 715 ¶1
Kutontoola
Kuwunawuna. Kuwunawuna akubofushaa na kutapa bangi ku mashimba. Mafuku apeela kunyima kwa bena Isaleele kutuka mu Ejipitu, babaadi bawunewune pabitale Yehowa, na kumutopeka bwakinyi baadi ebakunkusha ku bukwashi bwa Moyise na Aarone. (Efi 16:2, 7) Kwidiladila kwabo kubaadi kubofushe Moyise ngofu, bibaadi mutekye mpaa na’shi afwe. (Mb 11:13-15) Muntu awunawuna mmulombene kwituula ku masaku a lufu. Yehowa baadi mumone bantu babaadi abawunawuna pabitale Moyise bu babaadi abatombokyela bukunkushi bwaye. (Mb 14:26-30) Bebungi babaadi bashimishe myuwa yabo mwanda wa kuwunawuna.
Mabwe a muulo a mu kikudi
it-2-F 207
Mana
Bya abaadi. Mana abaadi atooka bu “ntete ya koreande” na mbidi bu “nanga,” mwenyi wao ubaadi bu “kamukate kateekwe na bukula bufunte mu buuki” sunga bu “mwenyi wa mukate wi mwimu.” Kunyima kwa kwiapela ku mabwe a mpelwa sunga kwiatwa mu kinwe, babeateekanga mu ngyeso sunga kukita nao tu mikate sunga kwitwekyela mu nfuulo.—Efi 16:23, 31; Mb 11:7, 8.
LUBINGO LWA 22-28/3
BUPETA BWA MWIYI DY’EFILE MUKULU | MBADIKO 13-14
“Mushindo awitwikashaa lukumiino n’eshimba dinyingye”
w06-F 1/10 16-17 ¶5-6
Banyingishiibwe ku bukwashi bwa lukumiino na kutshiina kw’Efile Mukulu
5 Babidi ba ku ba mpuupa Yoshwa na Kalebe, babaadi abatengyeela n’eshimba kwiyilu bwa kutwela mu nsenga ya mulayilo. Babakwile pabitale bena Kanana’shi “atwibatutu musuusa umune!” “Beefile baabo babeebabwikilanga mmutaala mbasuukye kula nabo, ank’atwe, Yehowa ee neetu. Tanwibatshinanga!” (Mbadiko 14:9) Yoshwa na Kalebe babaadi na lukulupilo lukilekile su? Nyaa ta bi byabya! Anka bu bangi bena Isaleele, babaadi bamone Yehowa kwakwatshisha Ejipitu na b’efile baye bufu ku bipupa ekumi bibaadi mwibatumine. Akupu babaadi bamone mushindo ubaadi Yehowa mwipe Faraone na bilwilo byaye mu Kalunga Kamonga. (Misambo 136:15) Abimweka patooka’shi, ba mpuupa ekumi babaadi abapusha moo na baaba babaadi abalondo kibaabadi abakula, tababaadi na kabingilo ka kupusha moo nya. Yehowa baadi muleshe kinyongwa kye kikata pa kwakula’shi: “Autunu [mwilo wa Isaleele] kunkookyela na ku nguba kinyi, sunga nakita bilengyeleshi byooso munkatshi mwabo?”—Mbadiko 14:11.
6 Yehowa baadi mutundule kibaadi bu mwanda—kutshina kwa mwilo kubaadi akulesha kukutwa kwa lukumiino. Eyendo, lukumiino n’eshimba dinyingye mbintu bibidi bi mu kwipushena kukata. Nyi bwakinyi, Yowano mutumiibwa bakwile bwa kakongye ka bena Kidishitu na bwa ngoshi ya mu kikudi yabakwete kulwa’shi: “Akikambila byaa-pano ndukumiino lwetu.” (1 Yowano 5:4) Lelo uno, kubukwashi bwa lukumiino bu lwa Yoshwa na Kalebe, nyi kukwete kulungulwa mukandu wibuwa mu nsenga ishima kwi ba Temwe ba Yehowa bakile pa midiyo isamombo, bansongwa, banunu, be na bukome sunga babofule. Mwishikwanyi su ngumune ta mobeshe kushikiila kino kilwilo ki bukome.—Bena-Looma 8:31.
Mabwe a muulo a mu kikudi
it-1-F 740
Eumbo dibaadi Efile Mukulu mupe bena Isaleele
Eumbo dibaadi Efile Mukulu mupe bena Isaleele dibaadi buwa bukile. Pabaadi Moyise mutume ba mpuupa bwa kubadiila mu kutala nsenga ya mulayilo na kutwala byumbulwanga bya mwanka, babafikile na bikuba bya fingiye, bya ngelenade na lutabi lwi na tukuba twa nfinyo lubaadi lukata ngofu lubaabadi batwale kwi bantu babidi ku mukanko! Sunga mbibaabadi na moo pa mwanda wa kukutwa kwa lukumiino, babaadi bakumiine’shi: Nyi eumbo adyaalaala mabeele na buuki.”—Mb 13:23, 27.
LUBINGO LWA 29/3-4/4
BUPETA BWA MWIYI DY’EFILE MUKULU | MBADIKO 15-16
“Dimuka pabitale kwitatula na kwikulupila kukilekile”
w11-F 15/9 27 ¶12
Owukibwa na Yehowa su?
12 Byabya, pabaadi mwilo wa Isaleele awende mu nsenga ya mulayilo, Kora baadi mumone myanda kampanda. Mu kwaye kumona mwilo tawubaadi awukunkushibwa kalolo nya. Bu bibaabadi abamukwatshishena kwi bangi bakata 250 baadi atompo kushintuula myanda. Aye na bantu babaadi abamukwatshishena babaadi pangi abepusha bu abo be mu kipwano kibuwa na Yehowa. Babalungwile Moyise na Aarone’shi: “Bibaakumbana! Bantu booso ba mu kakongye bee selele, dingi Yehowa ee munkatshi mwabo.” (Mb. 16:1-3) Babaadi na kwikulupila kukilekile na kwitatula! Moyise bebalungwile’shi: “Yehowa awukisha aye nabeene winyi aadi mukumiine.” (Badika Mbadiko 16:5.) Ku nfudilo kw’efuku dibalondele Kora na baaba boso babaadi abamukwatshishena mu buntomboshi bwaye, babaadi bafwe.—Mb. 16:31-35.
w11-F 15/9 27 ¶11
Owukibwa na Yehowa su?
11 Moyise na Kora babaadi baleshe mmweneno mwilekene pa bitale mpángo na bitshibilo byate Yehowe. Na bino bibaadi na bukitshishi ku mushindo ubaadi Yehowa e bamono. Kora baadi mwina Levi mwina Kehate baadi mupete myabi ibungi, bu kumona kwa kupaashibwa kwa mwilo pa Kalunga Kamonga, kusangula lupese lwa Yehowa pabaadi bangi bena Isaleele bakutwe lulamato ku mwengye wa Sinayi, na kukwatshishena mu kusemuna mushete wa kilombeeno. (Efi. 32:26-29; Mb. 3:30, 31) Baadi mwikale na lulamato kwi Yehowa munda a bipwa bibungi na bena Isaleele bebungi babaadi abasanka naye.
Mabwe a muulo a mu kikudi
w98-F 1/9 20 ¶1-2
Tuula myanda i na muulo pa mbalo ya kumpala!
Ku meso kwa Yehowa uno mwanda ubaadi ukata ngofu. Byabya Bible amba’shi: “Yehowa balungwile Moyise’shi: ‘Yawa muntu abitungu ayipayibwe nka kwipayibwa.’” (Mbadiko 15:35, EEM) Bwakinyi Yehowa baadi amono’shi mwada ubakitshi uno mwana mulume ngukata?
Bena Isaleele babaadi na mafuku asamombo bwa kusangula nteete, kukimba bya kudya, kulumbuula bilamba, na nshibo. Efuku dya musambo dibaadi dya myandaya mu kikudi. Kusangula kwa nteete takubaadi bubi nya, kibaadi bubi nkwikukita mwifuku dilamiibwe bwa kulangwila Yehowa. Sunga mbishi bena Kidishitu mu mwiya wa Moyise lelo uno, uno mwanda awitupa dilongyesha pabitale myanda yatukwete kutuula pa mbalo ya kumpala—Bena-Fidipe 1:10.
LUBINGO LWA 5-11/4
BUPETA BWA MWIYI DY’EFILE MUKULU | MBADIKO 17-19
“Ami ngy’ayikala . . . bwobe bupyaanyi”
w11-F 15/9 13 ¶9
Yehowa nyi kyoobe kintu su?
9 Banda kunangushena pabitale bena Levi bashi baadi bapete kipindji kya nsenga bu bwabo bupyaanyi. Bu bibaabadi batuule lulangwilo lwiselele pa mbalo ya kumpala, babaadi na kya kukulupila mwi Yehowa, baadi ebalungula’shi: “Ami nyi ayikala kyoobe kintu.” (Mb. 18:20) Sunga mbyatusha tufubu mu ntempelo bu bibaadi abifubu ba tshiite-mwakwidi na bena Levi, twi balombene kwambula kinangu kyabo, na kushinkamisha’shi Yehowa akalombasha nkalo yetu. Bu bikwete kwifubwila uno ndumbulwilo ku nfudilo kwaye, abitungu tunyishe kunyingisha lukulupilo lwetu lwa’shi Yehowa alombasha nkalo yetu ya ku mbidi.—Kibaf. 13:17.
w11-F 15/9 7 ¶4
Yehowa nyi kyande kintu
4 Uno mudimo ubaadi awupushisha kinyi bwa bena Levi? Yehowa baadi mwambe’shi ekala kyabo kintu mu mushindo wa’shi, pamutwe pa kwibapa kipindji kya nsenga bu bupyaanyi baadi na kya kwibapa mudimo wi na muulo ukata. Kwikala “butshiite-mwakwidi bwa Yehowa” nyi kubaadi bwabo bupyaanyi. (Yos 18:7) Myanda i mu Mbadiko 18:20 ayilesha’shi tababaadi balombene kukutwa bintu bya ku mbidi nya. (Badika Mbadiko 18:19, 21, 24.) Babaadi na kya kwibapa “ky’ekumi kya bintu byooso byaabatuusha mu Isaleele buu bwedi bwa mifubo yaabakitshi.” Ky’ekumi pa lukama kya byumbulwanga bya bena Isaleele na ky’ekumi pa lukama kya nyema ibaadi na kya kufwimisha kikutu. Bena Levi namu babaadi na kya kutusha ky’ekumi kya bintu bibaabadi abapete “kikilekile buwa,” bwa kukwatshishena mudimo wa bu tshiite-mwakwidi. (Mb. 18:25-29) Babaadi dingi abapa ba tshiite-mwakwidi “mulambu wiselele” ubaadi bena Isaleele abatwadila Yehowa pa mbalo yaye ya lulangwilo. Ba tshiite-mwakwidi babaadi na tubingilo twibuwa twa kukulupila’shi Yehowa ebalombashila nkalo yabo.
Mabwe a muulo a mu kikudi
g02-F 8/6 14 ¶2
Mungwa—Nyi nkyakudya kibuwa bukile
Mungwa ubaadi ufikye kifwanyi kya kintu kisha kilwila na ki kwanka mafuku e bungi. Nyi bwakinyi mu bible kilombeeno ki na muulo ukata abekitanyinaa bu “kilombeeno kishidilwe na mungwa,” bantu babaadi abekikitshi babaadi abadi kyakudya na mungwa bwa kushinkamisha kilombeeno kyabo. (Mbadiko 18:19) Mu mwiya wa Moyise babaadi abalombasha mungwa ku milambu ibaabadi abalambula ku kilambwilo bwa kulesha’shi tangulwile sunga kunyanga.
LUBINGO LWA 12-18/4
BUPETA BWA MWIYI DY’EFILE MUKULU | MBADIKO 20-21
“Lama kwiyisha kobe p’abakukitshisha myanda”
19 Su twi na kwiyisha atukasuuku kukita milwisho. Banda kunangushena bwa Moyiise. Baadi na kwiyisha na baadi musankishe Yehowa munda mwa bipwa bibungi. Kunyima, pepi na ku nfudiilo kwa lwendo lwa bipwa 40 mu kabaka, Moyiise bakutshilwe kulesha kwiyisha. Taata aaye, aye bamupashishe mu Ejiipitu, baafu na abamushiiki mu Kadeshe. Binobino bena Isaleele ababangile kwidila’shi, tabakwete kwibapasukila kalolo nya. Yaya nsaa ababangile ‘kutombokyela Moyiise’ mwanda wa kukutwa kwa mema. Sunga’shi Yehowa baadi mwibakitshine bilengyeleshe ku bukwashi bwa Moyiise, sunga’shi Moyiise baadi mwibakunkushe bupenka munda mwa bipwa bibungi, mwilo ubaadi nka awididi. Tababaadi abedidi penda bwa kukutwa kwa mema nya, kadi abaadi dingi abatopeka Moyiise nka bu’shi nnaye bebakwatshisha nyota.—Mb. 20:1-5, 9-11.
Tukimbeyi kwiyisha, tusankishe Yehowa
20 Mu kukwata kwa nsungu ikile bukopo, Moyiise badi mushimishe kwiyisha kwaye. Pamutwe pa kwakula na lubwebwe na lukumiino loso bu bibadi bimulungule Yehowa, Moyiise babangile kwakula na nsungu kwi mwilo na alesha’shi nnaye akitshi kilengyeleshi. Kunyima, bakupile lubwebwe misusa ibidi na mema e bungi nkutuuka. Bakitshine mulwisho ukata mwanda wa kwitatatula na nsungu. (Mis. 106:32, 33) Mwanda wa kukutwa kwa kwiyisha, Moyiise bakutshilwe kutwela mu nsenga ya mulayilo mu kapindji kapela.—Mb. 20:12.
21 Uno mwanda awitupa malongyesha e na muulo. Dya kumpala, abitungu tutungunukye na kwitatshisha bwa kulama kwiyisha kwetu. Su twakutwa kwiyisha sunga bwa kapindji kapela, kwitatula kwi kutwela mwatudi mususa umune, twabanga kwakula na kukita myanda bu bakutwe binangu. Dya kabidi, nsaa yatudi na myanda ayitukalakasha mbinangu, mbibofule bwa kukutwa kwiyisha, byabya abitungu twitatshishe bwa kwikala na kwiyisha, sunga nsaa yabetukitshina bibubi.
w09-F 1/9 19 ¶5
Nsushi alamataa nka ku kyakya kilulame
Kya kumpala, Yehowa ta baadi mulungule Moyise bwa kwisamba na bena Isaleele sunga kwibamba bu bantomboshi. Kya kabidi, Moyise na Aarone ta tababaadi balushe ntumbo kwi Efile Mukulu nya. Be balungwile’shi: “Nwibakutwe kuleesha bwiselele bwande.” (Verse 12) Pa kwamba’shi “twi balombene kwinutushiisha meema.” Moyise baadi mwakule nka bu’shi aye na Aarone—kushi Efile Mukulu—nyi babadya kutusha mema mu kilengyeleshi. Wa kasatu, dinyooka dibaadi muyile bilubilo bya kala. Efile Mukulu baadi mupele’shi kipungo kibaadi kwanka kya bantomboshi takitwele mu Kanana, nyi bibaadi namu mukite na Moyise na Aarone. (Mbadiko 14:22, 23) Kya kananka, Moyise na Aarone babaadi bakunkushi ba mwilo wa Isaleele. Baaba be na mashito ebungi be na bibungi bya kulubula kwi Efile Mukulu.—Luka 12:48.
Mabwe a muulo a mu kikudi
Omonaa kubofula kwa bantu bu abikumonaa Yehowa?
12 Mu ino myanda yooso Yehowa baadi mukumbeene kunyoka Aarone mususa umune. Kadi baadi mushinguule shi Aarone ta muntu ebubi nya sunga shi tabaadi mupile bikishekishe nya. Abimweka shi Aarone baadi mutadile nshalelo sunga bangi bantu abamutakula mu kukita myanda ishi ilulame. Anka, nsaa ibaadi mukite byaye bilubilo, baadi mukumiine na kukokyela manyoka a Yehowa. (Efi. 32:26; Mb. 12:11; 20:23-27) Yehowa baadi mutale lukumiino lwa Aarone na kwilanga kwaye. Bipwa nkama kunyima, Aarone na bana baye abaadi bebatentekyeshe bu bantu abatshinyi Yehowa.—Mis. 115:10-12; 135:19, 20.
LUBINGO LWA 19-25/4
BUPETA BWA MWIYI DY’EFILE MUKULU | MBADIKO 22-24
“Yehowa aluula mulwa bu mwabi”
bt-F 53 ¶5
Kulungula “mukandu wi buwa pabitale Yesu”
5 Anka bu bibaabidi mu siekele a kumpala, kubingwabingwa ta nkwimikye mudimo wa bulungudi wa bafubi b’Efile Mukulu lelo uno nya. Misusa yoso kukitshisha bena Kidishitu pa bukopo bwa kwenda ingi mbalo—byabiikala mu lukano sunga mu dingi eumbo—nkukwashe penda bwa kulungula mukandu wa Bufumu mu yaya mbalo ipya. Bu kileshesho, mu ngoshi ya kabidi ya nsenga ishima, ba Temwe ba Yehowa babapetele ngobesha ya kutusha bukamonyi bwa kukaanya mu camp ka lukano ka bena Nazi. Ungi mwina Yuuda bafumankeene na ba Temwe ba Yehowa mwanka aakula’shi: “Mwikelo wa bena lukano ba Temwe ba Yehowa ngushinkamiishe’shi lukumiino lwabo ndwimene nka pa Bifundwe—nyi bwakinyi nafikile namu Temwe a Yehowa.”
it-1-F 909
Mombe
Mombe wa kutombokyela Yehowa. Mutemuki Balaame baadi mupatakane pa kukimba kutemukila bena Isaleele bwa kupeta makuta kwi Balahaka mfumu a bena Moabe, anka Yehowa baadi mukutshishwe myanda yaye. Mpyele mutumiibwa bafundjile pabitale Balaame’shi “mpunda shaakulaa besambile n’eyi dya bu muntu, aye nkulekyesha kupatakana kwa yaawa mutemuki.” Pabitale mombe wa Balaame, Mpyele mutumiibwa mmufubishe kishima kya mu kina ngyeleki pa·ra·phro·niʹa, akipatuula “kukutwa kwa binangu.”—2Mp 2:15, 16; Mb 22:26-31.
Mabwe a muulo a mu kikudi
w04-F 1/8 27 ¶2
Myanda ikata ya mu mukanda wa Mbadiko
22:20-22—Bwakinyi Yehowa baadi mufiitshile Balaame nsungu?
Yehowa baadi mulungule mutemuki Balaame’shi t’abitungu ele bena Isaleele mulwa nya. (Mbadiko 22:12) Anka, mutemuki bayile na bantu ba Balahake na kitshibilo kya nkeela bena Isaleele mulwa. Balaame baadi akimbi kusankisha mfumu a bena Moabe na bwa kupeta efuto kwadi. (2 Mpyeele 2:15, 16; Yunda 11) Sunga mbibaabidi abitungu’shi Balaame elele bena Isaleele mwabi pamutwe pa kwibela mulwa, baadi akimbi kusankisha mfumu a bena Moabe pa kumulungula’shi afubishe bana bakashi abalangwilaa Baale bwa kuponesha bana balume ba mu Isaleele. (Mbadiko 31:15, 16) Yehowa baadi mufiitshile Balaame nsungu mwanda wa lwabi lwaye.
LUBINGO LWA 26/4–2/5
BUPETA BWA MWIYI DY’EFILE MUKULU | MBADIKO 25-26
“Bikitshino bya muntu umune bi kukwasha bantu bebungi su?”
“Sûkai Lusandji!”
MULOBI umune bende mbalo yakuminaa kuloba bwadya kukwata mishipa yakumina. Bata kinunwa bekitungu ku ndobo, bamwele mu mema. Batengyela na lwishinko loso, na mushipa ubaminyi ndobo, basakika ndombo mu ngyoyô ya mushipa na beukwata.
2 Mu mushindo umune, bantu mbalombene kukwatshibwa nka byabya. Bu kileshesho, beena Isaleele abaadi pepi na kutwela mu Nsenga ya Mulayilo, pababaadi mu Kipya kya Moabe. Nfumu a mu Moabe balayile mwana mulume abetamina bu Balaame bwa kumupa makuta e bungi su eela Isaleele mulwaa. Mususa umune, Balaame bakimbile kipaso kya shi bena Isaleele belwishishe’bo banabene. Basangwile kinunwa na mayele oso. Aye nkutuma ba nsongwakashi ba mu Moabe kwi beena Isaleele bwa kwibapambusha.—Mbadiko 22:1-7; 31:15, 16; Kibafumbwilwe 2:14.
“Sûkai Lusandji!”
4 Bwakinyi beena Isaleele be bungi abaadi bakwatshikye ku mayele a Balaame? Abaadi batule binangu byabo penda mu kwisangasha, abo nkuluba byoso bibabadi bebakitshine kwi Yehowa. Beena Isaleele abaadi na tubingilo twi bungi twa kushaala na lulamato kwi Efile Mukulu. Baadi mwibatushe mu bupika mu Ejiipitu, ebadiisha mu kabaaka, aye nkwibafisha kalolo pepi na Nsenga ya Mulayilo kushi’bo kupeta masaku. (Beena-Ebelu 3:12) Anka, abaadi bebaponeshe mu kutambuka lusandji. Mpoolo mutumbiwa bafundjile shi: “Tatukitanga lukyebanokyebano nya, bu bangi ba munkatshi mw’abo babakitshiine lukyebanokyebano, na babapone.”—1 Beena-Kodinda 10:8, Kilombeeno kipya 2014.
Mabwe a muulo a mu kikudi
it-1-F 933 ¶5-6
Mikalo
Abimweneka’shi kwabila kwa bisamba bipindji bya nsenga kubaadi kukitshikye muyile myanda ibidi: Bipeta bya bubale na bukata bwa kisamba. Bubale bubaadi abulesha pangi nka kipindji kya nsenga kibaadi akupeta kisamba kyoso, bubaadi abulesha bupyanyi mu kipindji kampanda ky’eumbo, bu kileshesho, kunundu sunga kuushi, kupona sunga kutunduka, mpaa na ma mbalo e myengye na mabanda. Kitshibilo kya bubale kibaadi akikatukila kwi Yehowa. Bino bibaadi abikwasha bwa kupela mukawo sunga kwikakeena mu nkatshi mwa bisamba. (Nki 16:33) Efile Mukulu baadi akunkusha myanda bwashi nshalelo a kisamba kyoso ekale mwipushene na butemuki buyokyelwe bubakwile nkambwa aabo Yakobo mu lusala lwaye lwa lufu bwi mu mukanda wa Kibangilo 49:1-33.
Kunyima kwa bubale kulesha mbalo ayikashala kisamba, bibaadi abitungu dingi kulesha bukata abwikala kipindji kya nsenga muyile uno mwanda wa kabidi: Bukata bwa kisamba. “Anukata bubale mwanda wa kwiabishêna dyanka muîle bisamba na bifuko bya banshenu. Kifuko ki na bantu be bungi, anukekipa kipindji kya nsenga kikata, ki na bantu bapêla namu kipindji kipêla. Kifuko na kifuko akikapete kyâkyo kipindji kya nsenga muîle amupôna bubale.” (Mb 33:54) Babady’abalama bipeta bibaadi abitusha bubale pabitale mbalo ayikala nsenga ya bupyanyi, anka, babaadi balombene kupeelesha sunga kutamisha kipindji kya nsenga. Bu kileshesho, p’ababamwene’shi kipindji kya nsenga kya kisamba kya Yuuda kibaadi kikile bukata, babaadi be kipeeleshe na bapa kisamba kya Simeone kingi kipindji.—Yos 19:9.