DILONGYESHA 11

Kwakula na muloo

Beena-Looma 12:11

MU KIKOSO: Nyingisha na kutakula bantu mu kukita kintu kampanda nsaa ywakula na katshintshi.

Myanda yolongyesha ikume eshimba dyobe. Nsaa ywelumbuula bwa kukita mwisambo, nangushena ku muulo wi nao mukandu oobe. Uuka myanda yolongyesha kalolo bwa kumona bya kwiyakula n’eshimba dyobe dyoso.
Tuula bantu abakuteemesha mu binangu. Nangushena pabitale mushindo wi myanda yobadika ngikumbene kulongyesha na kukwasha bantu abakuteemesha. Kimba bya kwakula myanda mu mushindo ulombene kusangasha bantu abakuteemesha.
Mwisambo oobe wikale na muloo. Akula na katshintshi. Sanyisha mbidi na mpala yobe byweyisanyishaa pa kyubishi bwa kulesha byopusha.

Totakulanga binangu bya bantu kungi pa kusanyisha mbidi mushindo umune nsaa yoso. Sanyisha mbidi bwa kuleshe kintu kampanda. Lesha muloo nsaa yokwete kulongyesha myanda i na muulo na kutakula bantu mu kukita kintu kampanda. Tokishakishanga muloo nsaa yokitshi mwisambo bwa kupela kukokyesha bantu abakuteemesha.