Enda nka kumpala!

1. Enda nka kumpala, okankamane!

Tembesh’etaata dya binyi booso bamone.

Lumbuula ndambukish’obe kalolo,

Efil’akweele myabi.

Mudimo wi kwanka bwa booso,

Nguno ubafubile Yesu.

Kulupil’Efile tokapono nya,

Olame kululama.

2. Enda nka kumpala na bulungudi!

Okalungule bantu mukandu wibuwa.

Okatumbishe Nfumwetu Yehowa,

Wende ku nshibo yooso.

Su bakimba kukutshinyisha,

Tokookanga kulungula shi:

Bufumu bw’Efile tabudi peepi.

Longyesha binyibinyi.

3. Enda nka kumpala kushii kukooka,

Olongamishe mudimo ukii bukata.

Kikudi ky’Efile kikuludikye

Bwashi opete muloo.

Ofule bantu b’olongyesha,

Walukile mu kwibatala.

Webakwashe bwashi

bende kumpala,

Webaleshe Bifundwe.