Kimba mbalo i buwa yodia kuilongiela

Okumiina’shi kuilongiela koobe kua pa bupenka kukukuashe su? Ano mayele ngalombene nkukuasha bodia kutuula binangu ku mianda yuelongiela kalolo:

• Sangula mbalo ishi tulewo. Su kui mushindo kimba mbalo mu nshibo ishi tulewo yodi mulombene kutuula meesa na nkuasa p’etaata di buwa, sunga kukimba mbalo paasha ishi tulewo yodi mulombene kuilongiela.

• Ekitshishe bodia kushaala mbalo yodi bupenka. Yesu baadi asangula nsaa yadia kuela luteko “ku namashika” mu “mbalo yadi bupenka.” (Mak. 1:35) Su bi bukopo bodia kupeta mbalo yodia kuikala bupenka, we kuisamba na bena kifuko nobe sunga na bantu bodi mushaale nabo mu nshibo bua programe oobe a kuilongiela, na kuibateka bua’shi tabakukalakashanga namu mu yaaya nsaa yuelongiela.

• Ekitshishe bua kukatusha kintu kioso kilombene nkukumba binangu ku biuelongiela. Su bua kuilongiela ofubishaa telefone oobe sunga tablete, tuula telefone oobe mu mode d’avion, bua’shi sunga réveille t’adilanga. Su botentekiesha kintu kampanda mu binangu biobe akitungu kukita nsaa y’okuete kuilongiela, ekifunde ku kapuupua bua’shi su bopudisha kuilongiela, w’ekikite. Su bopusha’shi akikiebe nkukatusha binangu ku biobadika, banda kuimana kapindi w’ewole na kutambuka kapeela.