ගීතාවලිය

1 දුෂ්ටයන්ගේ අවවාද නොපිළිගත්තාවූ,+

පව්කාරයන් යන මඟෙහි නොගියාවූ,+

සමච්චල් කරන්නන් සමඟ ඇසුරු නොකළාවූ+ මනුෂ්‍යයා සන්තෝෂවත්ය.+

 2 යෙහෝවා දෙවිගේ නීතිය කියවීමෙන් ඔහු මහත් ප්‍රීතියක් ලබන්නේය.+

ඔහු දිවා රෑ දෙවිගේ නීතිය කියවා ඒ ගැන ගැඹුරින් කල්පනා කරන්නේය.+

 3 ඔහු දිය දහරා අසල සිටෙව්වාවූ,+

නියම වාරයට පල හටගන්නාවූ,+

කොළ මැලවී නොයන්නාවූ ගසක් මෙන් වන්නේය.+

ඔහු කරන සෑම දෙයක්ම සාර්ථක වන්නේය.+

 4 නමුත් දුෂ්ටයෝ ඔහු හා සමාන නොවෙති.

ඔවුන් සුළඟින් ගසාගෙන යන දහයියා මෙනි.+

 5 විනිශ්චයේදී දුෂ්ටයන්ට අනුමැතිය ලැබෙන්නේ නැත.+

පව්කාරයන්ට ධර්මිෂ්ඨයන් අතරේ ස්ථානයක්ද නැත.+

 6 යෙහෝවා දෙවි ධර්මිෂ්ඨයන් යන මාර්ගය හොඳින් දන්නේය.+

නමුත් දුෂ්ටයාගේ මාර්ගය විනාශ වන්නේය.+