ගීතාවලිය

127 යෙහෝවා දෙවි ගෘහය ගොඩනඟන්නේ නැත්නම්+

ගොඩනඟන්නන්ගේ වෙහෙස නිෂ්ඵල වනු ඇත.+

යෙහෝවා දෙවි නුවර ආරක්ෂා කරන්නේ නැත්නම්+

මුරකරුවන් අවදිව සිටීමෙන් කිසිදු පලක් නැත.+

 2 දෙවිගේ ආශීර්වාදය නැත්නම්

කුසගිනි නිවාගැනීමට උදෑසනින්ම අවදි වී+

රෑ වන තුරුම+ වෙහෙස මහන්සි වී වැඩ කළත් ඉන් කිසි පලක් නැත.+

නමුත් දෙවිගේ ආශීර්වාදය ඇති, ඔහුගේ ප්‍රේමය දිනාගත් තැනැත්තාගේ නින්ද සැපවත්ය.+

 3 දරුවෝ යෙහෝවා දෙවිගෙන් ලැබෙන උරුමයකි.+

කුසේ පලය ඔහුගෙන් ලැබෙන තෑග්ගකි.+

 4 තරුණ වියේදී වැදූ දරුවන්+

බලවත් මිනිසෙකුගේ අතේ ඇති ඊතල මෙනි.+

 5 එවැනි ඊතලවලින් පිරුණු ඊකොපුවක් ඇති මනුෂ්‍යයා සන්තෝෂවත්ය.+

ඔහු ලැජ්ජාවට පත් නොවන්නේය.+

මන්ද ඔහුගේ දරුවෝ දොරටු අසලදී ඔහුගේ සතුරන්ට විරුද්ධව කතා කරනු ඇත.