ගීතාවලිය

129 ඊශ්‍රායෙල් මෙසේ කියන්න.+

“මාගේ යොවුන් වියේ සිට ඔවුහු මට බොහෝ විරුද්ධවාදිකම් කළෝය.+

 2 බොහෝ කාලයක් පුරා ඔවුහු මට විරුද්ධව ක්‍රියා කළෝය.+

නමුත් ඔවුන්ට මාව පාගා දැමීමට හැකි වූයේ නැත.+

 3 කුඹුරක් කොටන්නාක් මෙන් ඔවුහු මට හිරිහැර කළෝය.+

නඟුලෙන් එහි පස පෙරළන්නාක් මෙන් ඔවුහු දිගින් දිගටම මාව තළා පෙළා දැමුවෝය.”

 4 යෙහෝවා දෙවි ධර්මිෂ්ඨය.+

දුෂ්ටයන් අපව බැඳ දමා තිබූ කඹ ඔහු කැබලිවලට කඩා දැමුවේය.+

 5 සියොන්ට වෛර කරන සියල්ලෝ+

ලැජ්ජාවට පත්ව ආපසු හැරී යන්නෝය.+

 6 ඔවුහු, උගුල්ලන්නත් කලින් වියළී යන+

පියස්ස මත වැවෙන තණකොළ මෙන් වන්නෝය.+

 7 අස්වනු නෙළන්නා එවැනි තණකොළවලින් එක් මිටියක්වත් කපාගන්නේ නැත.+

ගොයම් මිටි බඳින්නා ඒවා තමන් ළඟටවත් ගන්නේ නැත.

 8 ඔවුන්ව හමු වන කිසිවෙක්,

“යෙහෝවා දෙවිගේ ආශීර්වාදය ඔබට ලැබේවා!+

යෙහෝවා දෙවිගේ නාමයෙන් අපි ඔබට ආශීර්වාද කරමු”+ කියා කිසිවිටක නොකියනු ඇත.