ගීතාවලිය

52 බලවත් මනුෂ්‍යය, දෙවිගේ ප්‍රේමය* සැමදා පවතින බව ඔබ දැන සිටියේ නැද්ද?+

එසේනම් ඔබ කරන නපුරු දේවල් ගැන පුරසාරම් දොඩන්නේ මන්ද?+

 2 ඔබේ දිව දැලි පිහියක් මෙන් මුවහත්ය.+ එය නිතරම යමෙකුව වේදනාවට පත් කිරීම සඳහා සැලසුම් යොදයි.

රැවටිලිකාරකමින් එය පිරී ඇත.+

 3 යහපතට වඩා අයහපතටද+

ඇත්ත කීමට වඩා බොරු කීමටද ඔබ කැමති විය.+ සීලාහ්.

 4 වංචාකාරි දිවක් සතු ඔබ,+

සියලු හානිකර වදන්වලට ප්‍රිය විය.+

 5 එබැවින් නැවත කිසිදා නැඟී සිටීමට නොහැකි වන සේ දෙවි ඔබව බිමට හෙළන්නේය.+

ඔබේ කූඩාරමෙන් ඔබව ඇද දමන්නේය.+

ඔහු ඔබව ජීවතුන් අතරින් උදුරා දමන්නේය.+ සීලාහ්.

 6 එය දකින ධර්මිෂ්ඨයන් තුළ දෙවි කෙරෙහි ගරුබියක් ඇති වන්නේය.+

ඔබට සිදු වූ දේ දැක ඔවුහු සිනාසෙන්නෝය.+

 7 “මෙවැනි මනුෂ්‍යයෝ දෙවිව තම රක්ෂස්ථානය කර නොගෙන+

තමාගේ වස්තුව කෙරෙහි පමණක් විශ්වාසය තබති.+

ඔවුහු අනුන්ව අමාරුවේ දැමීමෙන් ශක්තියක් ලබති.”+

 8 නමුත් මම දෙවිගේ ගෘහයේ සරුසාරව වැඩුණු ඔලීව ගසක් මෙන් සිටින්නෙමි.+

සදාකාලයෙන් සදාකාලයටම දෙවිගේ මහත් ප්‍රේමය* කෙරෙහි මම විශ්වාසය තබන්නෙමි.+

 9 දෙවි කර තිබෙන දේවල් නිසා මම සදහටම දෙවිව පසසන්නෙමි.+ මන්ද ඔහුගේ ක්‍රියා යහපත්ය.

මම දෙවිගේ නාමය කෙරෙහි බලාපොරොත්තු තබන්නෙමි. ඔහුගේ විශ්වාසවන්ත තැනැත්තන් ඉදිරියේ එසේ කරන්නෙමි.+