හිතෝපදේශ

29 නිතරම ලැබෙන අවවාද+ මුරණ්ඩු ලෙස ප්‍රතික්ෂේප කරන මිනිසා+ හදිස්සියෙන්ම විනාශ වී යයි. ඔහුට ඒ විනාශයෙන් කිසිසේත් ගැලවී යා නොහැක.+

2 ධර්මිෂ්ඨයන් වැඩි වූ කල ජනයා ප්‍රීති වෙති.+ නමුත් පාලනය දුෂ්ටයෙකුගේ අතට පත් වූ විට ජනයා සුසුම්ලති.+

3 ප්‍රඥාවට ප්‍රිය කරන්නා තම පියාව සතුටට පත් කරයි.+ එහෙත් ගණිකාවන් සමඟ සම්බන්ධකම් පවත්වන්නා සියලු වටිනා දේ නැති කරගනී.+

4 රජෙකු යුක්තිය ඉටු කරන විට දේශය දියුණුවක් අද්දකියි.+ එහෙත් අල්ලස් දූෂණය නිසා දේශයක් පරිහානියට ලක් වෙයි.+

5 චාටු බස් දොඩන මිනිසා+ තම මිතුරා ඉදිරියේ දැලක් එළයි.+

6 දුෂ්ටයෙකු කරන වැරදි ක්‍රියා ඔහුටම උගුලක් වේ.+ එහෙත් ධර්මිෂ්ඨයා සතුටු සිතින් ප්‍රීති ඝෝෂා නඟයි.+

7 ධර්මිෂ්ඨයා දුප්පතාගේ අයිතිවාසිකම් සුරැකීමට උනන්දු වෙයි.+ නමුත් දුෂ්ටයා ඒ ගැන කිසි සැලකිල්ලක් නොදක්වයි.+

8 පුරසාරම් දොඩන අය ගින්නක් අවුළන්නාක් මෙන් නුවරේ වැසියන්ව උසිගන්වන්නෝය.+ එහෙත් ඥානවන්තයෝ කෝපය නිවා දමන්නෝය.+

9 ඥානවන්තයෙකු මෝඩයෙකු සමඟ නඩුවකට පැටලුණොත් මෝඩයා කෑගසමින් සිනාසෙයි. ඔහු නිසා ඥානවන්තයාට කිසි සැනසිල්ලක් නොලැබෙයි.+

10 ලේ පිපාසිත මිනිසා නිර්දෝෂ අයට ද්වේෂ කරයි.+ නමුත් ප්‍රතිපත්තිගරුක අය ඔවුන්ගේ ජීවිත සුරැකීමට උත්සාහ කරති.+

11 මෝඩයා තම කෝපය මුළුමනින්ම පිට කරයි. නමුත් ඥානවන්තයා අවසානය දක්වාම සන්සුන්ව සිටියි.+

12 බොරු කතාවලට සවන් දෙන පාලකයෙකුගේ සියලු සේවකයෝ දුෂ්ටයෝය.+

13 දුප්පතා හා පීඩා කරන්නා අතරේ සමානකමක් තිබේ.+ මන්ද ඔවුන් දෙදෙනාටම ජීවිතය දුන්නේ යෙහෝවා දෙවිය.+

14 දුප්පතුන්ට සාධාරණ විනිශ්චයක් දෙන රජෙකුගේ+ සිංහාසනය සදහටම ස්ථිර වෙයි.+

15 වේවැල* භාවිත කිරීමෙන්ද අවවාද දීමෙන්ද ප්‍රඥාව ලබා දිය හැක.+ නමුත් දරුවෙකුට හිතුමතේට ක්‍රියා කරන්න ඉඩහැරියොත් ඔහු තම මවව ලැජ්ජාවට පත් කරයි.+

16 දුෂ්ටයන් වැඩි වූ විට අපරාධ දසත පැතිරෙයි. එහෙත් ධර්මිෂ්ඨයෝ දුෂ්ටයන්ගේ වැටීම ඇස් දෙකෙන්ම දකිති.+

17 ඔබේ පුත්‍රයාව හික්මවන්න. එවිට ඔහු ඔබේ ජීවිතයට සතුටක් හා සැනසීමක් ගෙන දෙයි.+

18 දෙවිගෙන් මඟ පෙන්වීම් නොලබන විට ජනයා නොහික්මුණු අයුරින් හැසිරෙති.+ එහෙත් නීතිය රකින අය සන්තෝෂවත්ය.+

19 සේවකයෙකුට අවවාදයක් දුන් විට ඔහු එය සිතට නොගන්නේ නම්+ ඔබ කියන දේ තේරුම්ගත්තත් ඔහු එයින් පාඩමක් ඉගෙනගන්නේ නැත.+

20 කතා කිරීමට ඉක්මන් වන මිනිසෙකුව ඔබ දන්නෙහිද?+ ඔහුට වඩා මෝඩයෙකු යහමඟට හැරෙයි කියා බලාපොරොත්තු තැබිය හැක.+

21 සේවකයෙකුට ඔහුගේ බාල කාලයේ සිටම පමණට වඩා සැලකිල්ල දැක්වුවහොත් පසු කලකදී ඔහු අගය නොපෙන්වන කෙනෙකු බවට පත් වෙයි.

22 කෝපාවිෂ්ට මිනිසෙක් රණ්ඩු දබර ඇති කරයි.+ හදිසි කෝපයෙන් ක්‍රියා කරන්නාගේ අතින් බොහෝ වැරදි සිදු වෙයි.+

23 උඩඟු මිනිසාව පහත් කරනු ලැබේ.+ නමුත් යටහත්පහත් මනසක් ඇති මිනිසා ගෞරවය හිමි කරගනියි.+

24 සොරෙකු සමඟ මිතුරු වන්නා තමාගේම ජීවිතය අනතුරේ හෙළයි.+ වරදක් ගැන සාක්ෂි දෙන ලෙස ඔහුට දැන්වූ* පසුත් ඔහු එසේ නොකරයි.+

25 මනුෂ්‍යයන්ට භය වීම උගුලකි.+ නමුත් යෙහෝවා දෙවිව විශ්වාස කරන්නාව ආරක්ෂා කරනු ලැබේ.+

26 පාලකයෙකුගෙන් උදව් උපකාර ලබාගැනීමට බොහෝදෙනා වෙහෙසෙති.+ එහෙත් මිනිසාට යුක්තිය ඉටු කර දෙන්නේ යෙහෝවා දෙවිය.+

27 ධර්මිෂ්ඨයා යුක්තිය ඉටු නොකරන මිනිසාව හෙළාදකියි.+ නමුත් දුෂ්ටයා හෙළාදකින්නේ යුක්තියට ප්‍රිය කරන තැනැත්තාවයි.+