දානියෙල්

8 දානියෙල් වන මම තවත් දර්ශනයක් දුටුවෙමි.+ මා එය දුටුවේ බෙල්ෂසර් රජු+ පාලනය කළ තුන්වන අවුරුද්දේදීය. 2 මම ඒලාම් නම් පළාතේ+ පිහිටි ෂූෂන්+ මාලිගාවේ සිටියෙමි. එවිට මම දර්ශනයකින් යූලායි ගඟ+ දුටුවෙමි. මමත් ඒ ගඟ ළඟ සිටියෙමි. 3 මම වටපිට බැලූ විට ගඟ අසල බැටළුවෙකු+ සිටිනවා දුටුවෙමි. ඌට අං දෙකක් තිබිණ. අං දෙකම උසට තිබූ නමුත් එකක් අනිකට වඩා උසය. උස අඟ හටගත්තේ කෙටි අඟට පසුවය.+ 4 බැටළුවා බස්නාහිර දෙසටත් උතුරු දෙසටත් දකුණු දෙසටත් ඇනගෙන ඇනගෙන ගියේය. ඌට විරුද්ධව සටන් කිරීමට වෙන කිසි සතෙකුට නොහැකි විය. ඌට ගොදුරු වූ කෙනෙකුව බේරාගන්න පුළුවන් කිසිවෙක්ද සිටියේ නැත.+ ඌ උද්ධච්ච ලෙස උගේම කැමැත්තට අනුව ක්‍රියා කරමින් ඉතා බලවත් විය.

5 මම බලාගෙන සිටියදී බස්නාහිර දෙසින් එළුවෙකු+ එනවා දුටුවෙමි. උගේ ඇස් දෙක අතරේ විශාල අඟක් තිබිණ.+ ඌ අඩිය බිම නොගෑවෙන තරම් මහත් වේගයකින් දුවගෙන ආවේය. ඌ මුළු පොළොව පුරාම දිව්වේය. 6 ගඟ අසල සිටි අං දෙකක් ඇති බැටළුවා වෙතටද ඌ මහත් කෝපයෙන් දුවගෙන ආවේය.

7 ඌ බැටළුවා ළඟට දුව ගොස් මහත් කෝපයෙන් ඌට ඇන උගේ අං දෙකම බිඳ දැමුවේය. ඌට විරුද්ධව සටන් කිරීමට බැටළුවාට කිසි ශක්තියක් තිබුණේ නැත. එබැවින් ඌ බැටළුවාව බිම දමා පාගා දැමුවේය. බැටළුවාව ගලවාගන්න කිසිවෙක් සිටියේ නැත.+

8 එළුවා උද්ධච්ච ලෙස ක්‍රියා කරමින්+ ඉතා බලවත් විය. එහෙත් ඌ බලවත් වූ විගසම උගේ විශාල අඟ කඩා දමන ලදි. ඉන්පසු ඒ අඟ වෙනුවට තව විශාල අං හතරක් හටගත්තේය. ඒ අං පොළොවේ සතර දිශාවටම* විහිදී ගියේය.+

9 ඒ එක් අඟකින් තව කුඩා අඟක් මතු විය.+ ඒ අඟ ටිකෙන් ටික බලවත් වී දකුණු දෙසටත් නැඟෙනහිර දෙසටත් අලංකාර දේශය*+ දෙසටත් පහර දුන්නේය. 10 එය මොන තරම් බලවත් වූවාද කිවහොත් ස්වර්ගය දෙසටත් එය නැඟ ගියේය.+ එය ස්වර්ගයේ සේනාවෙන් සමහරක්ද තාරකාවලින් සමහරක්ද+ පොළොවට හෙළා පාගා දැමුවේය.+ 11 ඒ අඟ ඉතා අහංකාර ලෙස ස්වර්ගයේ සේනාවෙහි අධිපතියාණන්ට+ පවා අභියෝග කළේය. එහි ප්‍රතිඵලයක් ලෙස, ඒ අධිපතියාණන්ට දිනපතා ඔප්පු කරන පූජාව+ නවත්වනු ලැබීය. ස්ථිර ලෙස පිහිටෙවූ ඔහුගේ ශුද්ධස්ථානය පවා පොළොවට හෙළනු ලැබුවේය.+ 12 සිදු කළ අපරාධය+ නිසා ඒ අඟ සේනාව යටත් කරගත් අතර+ දිනපතා ඔප්පු කරන පූජාව+ නතර කළේය. ඒ අඟ සත්‍යය+ පොළොවට හෙළා+ තම කැමැත්තට අනුව ක්‍රියා කරමින් සාර්ථක විය.+

13 ඉන්පසු ශුද්ධ තැනැත්තෙකු+ කතා කරනවා මට ඇසුණේය. එවිට ඒ තැනැත්තාගෙන් තවත් ශුද්ධ තැනැත්තෙක් මෙසේ ඇසුවේය. “දිනපතා ඔප්පු කරන පූජාව හා විනාශයට හේතු වන අපරාධය+ ගැන දුටු දර්ශනයේ සිදුවීම් කොපමණ කාලයක් පුරා දිව යයිද?+ ශුද්ධස්ථානය හා ස්වර්ගයේ සේනාව කොපමණ කාලයක් පුරා පාගා දමනු ඇද්ද?”+ 14 එවිට ඔහු මට මෙසේ කීවේය. “රාත්‍රි හා දිවා කාලවල්* දෙදහස් තුන්සියයක් පසු වන තුරු එම තත්වය පවතිනු ඇත. ඉන්පසු ශුද්ධස්ථානය නැවත නිසි තත්වයට ගෙනෙනු ඇත.”+

15 දානියෙල් වන මා දර්ශනය බලමින් එහි අර්ථය තේරුම්ගන්න උත්සාහ කළ විට+ ශක්තිමත් මිනිසෙක් මා ඉදිරියේ පෙනී සිටියේය.+ 16 යූලායි ගඟ+ මැදින් මට මනුෂ්‍ය පුත්‍රයෙකුගේ හඬද ඇසිණ. ඔහු හඬ නඟා මෙසේ කීවේය. “ගාබ්‍රියෙල්,+ මොහුට දර්ශනය තේරුම් කර දෙන්න.”+ 17 එබැවින් ඔහු මා සිටි තැනට ආවේය. එවිට මම බොහෝ සෙයින් භය වී බිම ඇද වැටුණෙමි. එහෙත් ඔහු මට මෙසේ කීවේය. “මනුෂ්‍ය පුත්‍රය,+ දර්ශනයේ ඉටු වීම අවසාන කාලයේදී සිදු වන බව+ තේරුම්ගන්න.”+ 18 ඔහු මා සමඟ කතා කරමින් සිටියදීම මම මුණින් අතට හැරී තද නින්දකට වැටුණෙමි.+ එවිට ඔහු මාව අල්ලා මට නැඟිටින්න උදව් කළේය.+ 19 ඔහු මට නැවත මෙසේ කීවේය. “දෙවි තම විනිශ්චය ප්‍රකාශ කර අවසන් වීමට පෙර සිදු වන දේවල් මම දැන් ඔබට කියා දෙන්නම්. මන්ද දර්ශනය ඉටු වීමට නියමිත කාලය වන්නේ අවසාන කාලයයි.”+

20 “ඔබ දුටු අං දෙකක් ඇති බැටළුවාගෙන් නියෝජනය වන්නේ මේදිය සහ පර්සියානු රජවරුන්ය.+ 21 එළුවා* නම් ග්‍රීසියේ රජය.+ උගේ ඇස් අතරේ තිබූ විශාල අඟ නම් එම රාජ්‍යයේ පළමුවන රජය.+ 22 ඒ අඟ කඩා දැමුවාට පසු ඒ වෙනුවට හටගත් අනික් අං හතර,+ ඔහුගේම රාජ්‍යයෙන් බිහි වන රාජ්‍යයන් හතරකි. එහෙත් එම රාජ්‍යයන් ඔහු තරම් බලවත් නොවනු ඇත.

23 “ඔවුන්ගේ පාලන සමය අවසානයේදී අපරාධකරුවන්ගේ පාපතර ක්‍රියා පහත්ම අඩියට වැටෙනු ඇත. එවිට සංකීර්ණ ගැටලු විසඳීමට හැකියාව තිබෙන ඉතා දරුණු පෙනුමක් ඇති රජෙක් නැඟී සිටිනු ඇත.+ 24 ඔහු ඉතා බලවත් වන්නේය. එහෙත් ඔහු බලවත් වන්නේ ඔහුගේම ශක්තියෙන් නොවේ.+ ඔහු මහත් විනාශයක් සිදු කරනු ඇත.+ ඔහු කරන සෑම දෙයක්ම සාර්ථක වන්නේය. ඔහු බලවතුන්ට හා ශුද්ධ තැනැත්තන්ට පවා හානි පමුණුවන්නේය.+ 25 ඔහු කපටි නුවණින් ක්‍රියා කරන නිසා බොහෝදෙනෙකුව මුළා කරන්නේය.+ ඔහු තමන්වම උසස් කරගනිමින් උද්ධච්ච ලෙස ක්‍රියා කරන්නේය.+ සියලුදෙනා බියක් සැකක් නැතුව ජීවත් වන කාලයකදී+ ඔහු බොහෝදෙනෙකුව විනාශ කරන්නේය. අධිපතීන්ගෙත් අධිපතියාණන්ට විරුද්ධව ඔහු නැඟී සිටින්නේය.+ එවිට ඔහුව විනාශ කරනු ලබන්නේය. එහෙත් ඔහුව විනාශ කරනු ලබන්නේ මනුෂ්‍යයෙකු විසින් නොවේ.+

26 “රාත්‍රි හා දිවා කාලවල් ගැන ඔබ දුටු දර්ශනය සැබෑය.+ ඔබද දර්ශනය ලියා මුද්‍රා කර තබන්න. මන්ද එය ඉටු වීමට තව බොහෝ දවස් ගත වන්නේය.”+

27 මේ දේවලින් පසුව දානියෙල් වන මම මහත් සේ වෙහෙසට පත් වී දවස් ගණනාවක් ලෙඩින් සිටියෙමි.+ ඉන්පසු මම රජුගේ වැඩවල යෙදුණෙමි.+ එහෙත් මා දුටු දර්ශනය නිසා මම කම්පනයට පත්ව සිටියෙමි. දර්ශනය කිසිවෙකුට තේරුම්ගත නොහැකි විය.+