ලෙවී කතාව

4 යෙහෝවා දෙවි තවදුරටත් මෝසෙස්ට මෙසේ කීවේය. 2 “ඊශ්‍රායෙල් සෙනඟට මෙසේ කියන්න. ‘යමෙකු නොදැනුවත්වම+ යෙහෝවා දෙවි වන මාගේ ආඥාවක් කඩ කර පව් කළොත් ඔහු කළ යුතු දේ මෙයයි.

3 “‘අභිෂේක+ ලත් පූජකයා පව්+ කළොත් ඔහු කළ වරද මුළු සෙනඟ පිටට පැමිණෙයි. ඔහු තමා කළ පාපය+ වෙනුවෙන් නිකැළැල් වස්සෙකුව යෙහෝවා දෙවි වන මා වෙතට ගෙනා යුතුයි. එය පාප පූජාවක් වන්නේය. 4 ඔහු යෙහෝවා දෙවි වන මා ඉදිරියට එනම්, සම්මුඛ වීමේ කූඩාරමට ඇතුල් වන ස්ථානයට වස්සාව ගෙනා යුතුයි.+ ඉන්පසු ඔහු උගේ හිස මත අත තබා+ යෙහෝවා දෙවි වන මා ඉදිරියේ ඌව මැරිය යුතුයි. 5 අභිෂේක ලත් පූජකයා+ වස්සාගේ ලෙයින් ටිකක් ගෙන එය සම්මුඛ වීමේ කූඩාරම ඇතුළට ගෙන යා යුතුයි. 6 පූජකයා තම ඇඟිල්ල+ ලේවල ගිල්වා ශුද්ධස්ථානයේ තිරය ඉදිරියට ගොස් යෙහෝවා දෙවි වන මා ඉදිරියේ එය ඉසිය යුතුයි. ඔහු හත් වරක්+ එලෙස කළ යුතුයි. 7 පූජකයා සම්මුඛ වීමේ කූඩාරම ඇතුළේ, යෙහෝවා දෙවි වන මා ඉදිරියේ තිබෙන සුවඳ දුම් ඔප්පු කරන පූජාසනයේ අං+ මතද ලේ ස්වල්පයක් තැවරිය යුතුයි. වස්සාගේ ඉතුරු ලේ ටික සම්මුඛ වීමේ කූඩාරමට ඇතුල් වන ස්ථානයේ තිබෙන දවන පූජා ඔප්පු කරන පූජාසනයේ පාමුල+ වත් කළ යුතුයි.

8 “‘පාප පූජාව සඳහා ඔප්පු කරන වස්සාගේ සියලු තෙල් කොටස් ඔහු ඉවතට ගත යුතුයි. උගේ බඩවැල් වටා ඇති සම්පූර්ණ තෙල් තට්ටුවද+ 9 වකුගඩු දෙකද ඒවා මත තිබෙන තෙල්ද තුනටිය පෙදෙසේ තිබෙන තෙල් තට්ටුවද ඉවතට ගත යුතුයි. අක්මාව වටා තිබෙන තෙල්ද වකුගඩු සමඟම ඉවතට ගත යුතුයි.+ 10 හවුල් පූජාව+ සඳහා ඔප්පු කරන ගවයාගේ තෙල් කොටස් ඉවතට ගත් ආකාරයටම මෙම සතාගේ තෙල් කොටස්ද ඉවතට ගත යුතුයි. ඉන්පසු පූජකයා එම කොටස් දවන පූජා ඔප්පු කරන පූජාසනය මත දැවිය යුතුයි.+

11 “‘වස්සාගේ හම, මාංසය, උගේ හිස, පාද, බඩවැල් සහ ගොම+ 12 යන ඒ සෑම කොටසක්ම ඔහු කඳවුරෙන් පිටත+ පවිත්‍ර තැනකට ගෙන යා යුතුයි. තෙල් මිශ්‍ර අළු+ දමන ස්ථානයට ඒ කොටස් ගෙන ගොස් දර මත දැවිය යුතුයි.+ එම සතාගේ කොටස් දැවිය යුත්තේ තෙල් මිශ්‍ර අළු දමන ස්ථානයේදීය.

13 “‘මුළු ඊශ්‍රායෙල් සෙනඟ යෙහෝවා දෙවි වන මාගේ ආඥාවක් කඩ කළොත් එය නොදැනුවත්කමින්+ කළත් මා ඉදිරියේ ඔවුහු වරදකරුවෝ වෙති.+ 14 තමන් වරදක් කළ බව දැනගන්න ලැබුණු පසු+ මුළු සෙනඟම සම්මුඛ වීමේ කූඩාරම ඉදිරියට පාප පූජාවක් ලෙස වස්සෙකුව ගෙනා යුතුයි. 15 සෙනඟ අතරේ සිටින වැඩිමහල්ලන් යෙහෝවා දෙවි වන මා ඉදිරියේ වස්සාගේ හිස මත තම අත් තැබිය යුතුයි.+ ඉන්පසු යෙහෝවා දෙවි වන මා ඉදිරියේ ඌව මැරිය යුතුයි.

16 “‘අභිෂේක ලත් පූජකයා+ වස්සාගේ ලෙයින් ස්වල්පයක් සම්මුඛ වීමේ කූඩාරම ඇතුළට ගෙන යා යුතුයි.+ 17 පූජකයා තම ඇඟිල්ල ලේවල ගිල්වා ශුද්ධස්ථානයේ තිරය+ ඉදිරියට ගොස් යෙහෝවා දෙවි වන මා ඉදිරියේ එය ඉසිය යුතුයි. ඔහු හත් වරක් එලෙස කළ යුතුයි. 18 පූජකයා සම්මුඛ වීමේ කූඩාරම ඇතුළේ, යෙහෝවා දෙවි වන මා ඉදිරියේ තිබෙන පූජාසනයේ+ අං මතද ලේ ස්වල්පයක් තැවරිය යුතුයි. වස්සාගේ ඉතුරු ලේ ටික සම්මුඛ වීමේ කූඩාරමට ඇතුල් වන තැන තිබෙන දවන පූජා ඔප්පු කරන පූජාසනයේ පාමුලට වත් කළ යුතුයි.+ 19 උගේ සියලු තෙල් කොටස් ඉවතට ගෙන පූජාසනය මත ඒවා දැවිය යුතුයි.+ 20 පාප පූජාව සඳහා ඔප්පු කළ ගවයාට සිදු කළ ලෙසම මෙම සතාටද සිදු කළ යුතුයි. සෙනඟ කළ පාපයට සමාව+ ලබාගන්නා පිණිස පූජකයා එසේ කළ යුතුයි. එවිට ඔවුන්ට සමාව ලැබෙයි. 21 ඔහු වස්සාගේ ඉතුරු කොටස් කඳවුරෙන් පිටතට ගෙන ගොස් කලින් සතාව+ පිලිස්සූ ලෙසම ඌවද පිලිස්සිය යුතුයි. එය සෙනඟ වෙනුවෙන් කරන පාප පූජාවකි.+

22 “‘අධිපතියෙකු+ යෙහෝවා දෙවි වන මාගේ ආඥාවක් කඩ කර පව් කළොත් එය නොදැනුවත්කමින් කළත්+ ඔහු මා ඉදිරියේ වරදකරුවෙක් වෙයි. 23 ඔහු කළ පාපය ඔහුට කියා දුන් විට+ ඔහු නිකැළැල් එළු පැටවෙකුව+ පූජාවක් ලෙස ගෙනා යුතුයි. 24 ඔහු එළු පැටවාගේ හිස මත අත තැබිය යුතුයි.+ ඉන්පසු දවන පූජා සඳහා සතුන්ව මරන ස්ථානයේ යෙහෝවා දෙවි වන මා ඉදිරියේ ඌව මැරිය යුතුයි.+ එය පාප පූජාවකි.+ 25 පූජකයා පාප පූජාවේ ලේ ස්වල්පයක් ඇඟිල්ලට ගෙන දවන පූජා ඔප්පු කරන පූජාසනයේ අං+ මත තැවරිය යුතුයි. එළු පැටවාගේ ඉතුරු ලේ ටික දවන පූජා ඔප්පු කරන පූජාසනයේ පාමුලට වත් කළ යුතුයි. 26 හවුල් පූජාවේ තෙල් කොටස් පිලිස්සූ ලෙසම මෙම සතාගේ තෙල් කොටස් සියල්ලද පූජාසනය මත දැවිය යුතුයි.+ ඔහු කළ පාපයට සමාව ලබාගන්නා පිණිස පූජකයා එසේ කළ යුතුයි.+ එවිට ඔහුට සමාව ලැබෙයි.

27 “‘සාමාන්‍ය මනුෂ්‍යයෙකු යෙහෝවා දෙවි වන මාගේ ආඥාවක් කඩ කර පව් කළොත් එය නොදැනුවත්කමින් කළත් දෙවි ඉදිරියේ ඔහු වරදකරුවෙක් වෙයි.+ 28 ඔහු කළ පාපය ඔහුට කියා දුන් විට ඔහු තමා කළ පාපය වෙනුවෙන් නිකැළැල් එළුදෙනක+ ගෙනා යුතුයි. එය පාප පූජාවක් වන්නේය. 29 පාප පූජාව සඳහා ඔප්පු කරන සතාගේ හිස මත ඔහු අත තැබිය යුතුයි.+ ඉන්පසු දවන පූජා සඳහා සතුන්ව මරන ස්ථානයේදී ඌව මැරිය යුතුයි.+ 30 පූජකයා උගේ ලේ ස්වල්පයක් ඇඟිල්ලට ගෙන දවන පූජා ඔප්පු කරන පූජාසනයේ අං+ මත තැවරිය යුතුයි. එළුදෙනගේ ඉතුරු ලේ ටික දවන පූජා ඔප්පු කරන පූජාසනයේ පාමුලට වත් කළ යුතුයි.+ 31 හවුල් පූජාව සඳහා ඔප්පු කළ සතාගේ තෙල්+ කොටස් සියල්ල ඉවතට ගත් ආකාරයටම මෙම සතාගේ තෙල් කොටස් සියල්ලද ඉවතට ගත යුතුයි.+ යෙහෝවා දෙවි වන මට ප්‍රසන්න සුවඳක් ගෙනෙන පිණිස පූජකයා ඒවා පූජාසනය මත දැවිය යුතුයි.+ ඔහු කළ පාපයට සමාව ලබාගන්නා පිණිස පූජකයා එසේ කළ යුතුයි. එවිට ඔහුට සමාව ලැබෙයි.+

32 “‘ඔහු තම පාප පූජාව සඳහා බැටළු පැටවෙකු+ ගෙනෙනවා නම් නිකැළැල්+ ගැහැනු සතෙකුව ගෙනා යුතුයි. 33 ඔහු පාප පූජාව සඳහා ගෙනා සතාගේ හිස මත තම අත තැබිය යුතුයි. ඉන්පසු දවන පූජා සඳහා සතුන්ව මරන ස්ථානයේදී ඌව මැරිය යුතුයි.+ එය පාප පූජාවකි. 34 පූජකයා පාප පූජාව සඳහා ඔප්පු කළ සතාගේ ලේ ස්වල්පයක් ඇඟිල්ලට ගෙන දවන පූජා ඔප්පු කරන පූජාසනයේ අං මත තැවරිය යුතුයි.+ බැටළු පැටවාගේ ඉතුරු ලේ ටික දවන පූජා ඔප්පු කරන පූජාසනයේ පාමුලට වත් කළ යුතුයි. 35 පූජකයා හවුල් පූජාව සඳහා ඔප්පු කළ බැටළු පැටවාගේ තෙල් කොටස් ඉවතට ගත් ආකාරයටම මෙම සතාගේ සියලු තෙල් කොටස්ද ඉවතට ගෙන යෙහෝවා දෙවි වන මට ඔප්පු කළ අනික් පූජා සමඟ ඒවාද දැවිය යුතුයි.+ ඔහු කළ පාපයට සමාව+ ලබාගන්නා පිණිස පූජකයා එසේ කළ යුතුයි. එවිට ඔහුට සමාව ලැබෙයි.+