විනිශ්චයකරුවෝ
2 දිනක් දේවදූතයෙක්+ ගිල්ගාල්+ සිට බෝකිම්+ දක්වා ගොස් යෙහෝවා දෙවි දුන් මේ පණිවිඩය දැන්වූවේය. “මම ඔබව ඊජිප්තුවෙන් නිදහස් කර ඔබේ මුතුන්මිත්තන්ට පොරොන්දු වූ දේශයට+ ගෙනාවෙමි. එමෙන්ම, ‘ඔබ සමඟ මා ඇති කරගත් ගිවිසුම මම කිසිදා කඩ නොකරන්නෙමි.+ 2 ඔබත් මේ දේශයේ වැසියන් සමඟ කිසිම ගිවිසුමක් ඇති කර නොගන්න.+ ඔවුන් ඉදි කර ඇති පූජාසනද කඩා දමන්න’+ කියා මම ඔබට පැවසුවෙමි. එසේනම් ඔබ මාගේ හඬට ඇහුම්කන් නොදුන්නේ ඇයි?+ 3 ඔබ එසේ ක්‍රියා කළ නිසා මම ඔවුන්ව ඔබ අතරින් පන්නා නොදමන්නෙමි. ඔවුහු ඔබට උගුලක් මෙන් වන්නෝය.+ ඔබ ඔවුන්ගේ දෙවිවරුන්ට නමස්කාර කර ඔබේ විනාශය ස්ථිර කරගන්නහුය.”+
4 යෙහෝවා දෙවිගේ දූතයා මෙම වචන පැවසූ විට සියලුම ඊශ්‍රායෙල්වරු මහත් හඬින් හඬා වැලපුණෝය.+ 5 ඔවුන් එම ස්ථානයට බෝකිම්* යන නම තැබුවේ එමනිසාය. ඔවුහු එහිදී යෙහෝවා දෙවිට පූජා ඔප්පු කළෝය.
6 යොෂුවා ඊශ්‍රායෙල් සෙනඟ විසුරුවාහැරිය විට සියලුදෙනාම තමන්ට උරුම වූ ප්‍රදේශවලට පිටත්ව ගියෝය.+ 7 යොෂුවා ජීවත් වූ කාලය පුරාද ඔහු මිය ගිය පසු ජීවත්ව සිටි වැඩිමහල්ලන්ගේ එනම්, යෙහෝවා දෙවි ඊශ්‍රායෙල් සෙනඟ වෙනුවෙන් සිදු කළ පුදුම ක්‍රියා දැක තිබූ වැඩිමහල්ලන්ගේ+ ජීවිත කාලය පුරාද ඊශ්‍රායෙල් සෙනඟ දිගටම යෙහෝවා දෙවිට විශ්වාසවන්තව සේවය කළෝය. 8 කල් යත්ම නූන්ගේ පුත්‍රයා වූ යොෂුවා මිය ගියේය. යෙහෝවා දෙවිගේ සේවකයෙක් වූ ඔහු මිය යන විට ඔහුට වයස අවුරුදු එකසිය දහයකි.+ 9 සෙනඟ ඔහුව තැන්පත් කළේ ඔහුට උරුම වූ තිම්නාත්-හේරෙස් නම් ප්‍රදේශයේය.+ එය පිහිටා තිබුණේ එෆ්‍රායිම් ගෝත්‍රයට අයත් කඳුකර ප්‍රදේශයේ පිහිටි ගයෂ් කන්දට උතුරින්ය.+ 10 කල් යත්ම යොෂුවාගේ කාලයේ සිටි පරම්පරාව මිය ගියේය.+ ඔවුන්වද ඔවුන්ගේ පියවරුන් මෙන් තැන්පත් කරන ලදි. එම පරම්පරාවට පසු යෙහෝවා දෙවිව දැන හඳුනා නොගත්, ඊශ්‍රායෙල්වරුන් වෙනුවෙන් දෙවි කළ කිසිම දෙයක් ගැන අවබෝධයක් නැති පරම්පරාවක් බිහි විය.+
11 ඊශ්‍රායෙල්වරු යෙහෝවා දෙවි පිළිකුල් කරන දේවල් කිරීමට පටන්ගත් අතර+ බාල් දෙවිවරුන්ටද නමස්කාර කළෝය.+ 12 මෙසේ ඔවුහු තම පියවරුන්ව ඊජිප්තු දේශයෙන් නිදහස් කරගෙන ආ යෙහෝවා දෙවිව අත්හැර,+ අවට ජාතීන් නමස්කාර කළ දෙවිවරුන් පසුපස ගොස් ඔවුන්ට වැඳුම්පිදුම් කිරීමට පටන්ගත්තෝය.+ ඔවුන් එසේ ක්‍රියා කළ නිසා යෙහෝවා දෙවි ඔවුන් සමඟ උදහස් විය.+ 13 ඔවුහු යෙහෝවා දෙවිව අත්හැර, බාල් හා අෂ්ටොරෙත් යන දෙවි දේවතාවන්ගේ+ රූපවලට නමස්කාර කළෝය. 14 ඒ ගැන බොහෝ සෙයින් උදහස් වූ යෙහෝවා දෙවි+ ඔවුන්ව කොල්ලකරුවන් අතට හසු වීමට ඉඩහැරියේය.+ එම කොල්ලකරුවෝ ඔවුන්ගෙන් බොහෝ දේවල් කොල්ල කෑවෝය. මෙසේ ඔවුන්ව යටත් කරගැනීමට අවට ජාතීන්ට දෙවි ඉඩහැරියේය.+ තවදුරටත් ඒ සතුරන්ට එරෙහිව නැඟී සිටීමට ඔවුන්ට හැකියාවක් නොතිබිණ.+ 15 යෙහෝවා දෙවි ඔවුන්ට කී ලෙසම ඔවුන් කළ කිසිම සටනකදී ඔවුන්ට යෙහෝවා දෙවිගෙන් උපකාරයක් නොලැබිණ.+ මෙසේ යෙහෝවා දෙවි පැවසූ ලෙසම+ ඔවුහු බොහෝ දුෂ්කරතාවලට මුහුණ දුන්නෝය.+ 16 එනමුත් යෙහෝවා දෙවි ඔවුන්ට මඟ පෙන්වීම් ලබා දීම සඳහා ඔවුන් අතරේ විනිශ්චයකරුවන්ව පත් කළේය.+ ඔවුහු කොල්ලකරුවන් අතින් ඊශ්‍රායෙල් සෙනඟව බේරාගත්තෝය.+
17 එහෙත් ඒ විනිශ්චයකරුවන් දුන් මඟ පෙන්වීම් පිළි නොගත් සෙනඟ, දෙවිව අත්හැර වෙනත් දෙවිවරුන්ට නමස්කාර කරමින්+ බොහෝ පිළිකුල්සහගත දේවල් කළෝය.+ යෙහෝවා දෙවිගේ ආඥාවලට කීකරු වෙමින් ජීවත් වූ ඔවුන්ගේ මුතුන්මිත්තන්ව ආදර්ශයට ගන්නවා වෙනුවට ඔවුහු ඉක්මනින් යහපත් මාර්ගයෙන් ඉවත්ව ගියෝය.+ 18 යෙහෝවා දෙවි සෙනඟට මඟ පෙන්වීම් ලබා දීම සඳහා විනිශ්චයකරුවන්ව පත් කළ විට+ ඒ විනිශ්චයකරුවන්ට අවශ්‍ය උපකාරද ඔහු ලබා දුන්නේය. විනිශ්චයකරුවෙකු දේශයේ සිටි කාලයේදී යෙහෝවා දෙවි ඊශ්‍රායෙල්වරුන්ව සතුරන් අතින් ගලවාගත්තේය. මන්ද සෙනඟ සතුරන් අතින් බොහෝ පීඩා විඳිමින් කන්නලව් කරන විට+ යෙහෝවා දෙවිට ඔවුන් ගැන මහත් දුකක් ඇති විය.+
19 නමුත් දෙවි පත් කර සිටි විනිශ්චයකරුවෙකු මිය ගිය පසු ඔවුහු නැවතත් දෙවිව අත්හැර වෙනත් දෙවිවරුන් වෙතට හැරී ඔවුන්ට නමස්කාර කිරීමට පටන්ගත්තෝය.+ ඔවුහු තම පියවරුන්ට වඩා පිළිකුල්සහගත දේවල් කළෝය. ඔවුහු ඒ වැරදි දේවලින් ඉවත් වුණේවත් ඔවුන්ගේ මුරණ්ඩු ආකල්ප වෙනස් කරගත්තේවත් නැත.+ 20 එහෙයින් ඊශ්‍රායෙල්වරුන් සමඟ බොහෝ සෙයින් උදහස් වූ යෙහෝවා දෙවි+ මෙසේ පැවසීය. “ඔවුන්ගේ මුතුන්මිත්තන් සමඟ මම ගිවිසුමක් ඇති කරගත්තෙමි. නමුත් මේ ජාතිය ඒ ගිවිසුම කඩ කර ඇත.+ ඔවුහු මාගේ හඬට අකීකරු වූහ.+ ඒ නිසා 21 යොෂුවා මිය යන විට දේශයේ ඉතුරුව සිටි එක ජාතියක්වත්+ මේ දේශයෙන් මම පන්නා නොදමන්නෙමි. 22 මන්ද ඔවුන් මාර්ගයෙන් ඊශ්‍රායෙල් ජාතියට දෙවි කෙරෙහි වූ විශ්වාසය සෝදිසියට ලක් වනු ඇත.+ ඊශ්‍රායෙල්වරුන් තම පියවරුන් කළාක් මෙන් යෙහෝවා දෙවි වන මා පවසන දේට කීකරු වෙයිද නැත්නම් මාව අත්හරියිද කියා එමගින් දැකගැනීමට හැකි වන්නේය.” 23 එහෙයින් යෙහෝවා දෙවි ඒ ජාතීන්ව දේශයෙන් පන්නා නොදමා, යම් කාලයකට එහි රැඳී සිටීමට ඉඩහැරියේය.+ යොෂුවාටද ඔවුන්ව යටත් කරගැනීමට නොහැකි විය.