1 සාමුවෙල්

නැතහොත් ග්‍රීක සෙප්ටුඅජින්ට් පරිවර්තනයට අනුව පළමුවෙනි රාජාවලිය

1 එෆ්‍රායිම් කඳුකරයේ+ රාමතායිම්-ෂෝපිම්+ නම් පළාතේ එල්කානා+ නම් වූ මනුෂ්‍යයෙක් ජීවත් විය. ඔහු එෆ්‍රායිම්වරයෙකු* වූ යෙරොහාම්ගේ පුත්‍රයාය. යෙරොහාම් එලිහුගේ පුත්‍රයාය. එලිහු තොහුගේ පුත්‍රයාය. තොහු ෂුප්ගේ+ පුත්‍රයාය. 2 එල්කානාට භාර්යාවෝ දෙදෙනෙක් සිටියෝය. එක් භාර්යාවකගේ නම හන්නාය. අනික් භාර්යාව පෙනින්නාය. පෙනින්නාට දරුවන් සිටි නමුත් හන්නාට දරුවෝ සිටියේ නැත.+ 3 එල්කානා අවුරුදු පතා ස්වර්ගයේ සේනාවල අධිපති වන යෙහෝවා දෙවිට නමස්කාර කරන පිණිස+ තමන් ජීවත් වූ නුවරේ සිට ෂීලෝ නුවරට ගියේය.+ එහිදී ඔහු දෙවිට පුදපූජාද ඔප්පු කළේය. ඒලීගේ පුත්‍රයන් වූ හොප්නී සහ පිනෙහාස්,+ යෙහෝවා දෙවිගේ පූජකයන් ලෙස එහි සේවය කළෝය.+

4 එල්කානා පූජා ඔප්පු කළ අවස්ථාවලදී ඔහුගේ භාර්යාව වූ පෙනින්නාටද ඇගේ පුත්‍රයන්ටද දූවරුන්ටද පූජා කළ දෙයින් කොටස බැගින් දුන්නේය.+ 5 ඔහු හන්නාට දුන්නේ එක කොටසක් පමණි. එහෙත් ඔහු වැඩියෙන්ම ප්‍රේම කළේ ඇයටය.+ යෙහෝවා දෙවි ඒ වන විටත් මවක් වීමේ ආශීර්වාදය ඇයට ලබා දී තිබුණේ නැත.*+ 6 ඇයට යෙහෝවා දෙවිගෙන් ඒ ආශීර්වාදය නොලැබුණු නිසා එල්කානාගේ අනික් භාර්යාව ඇයව ලැජ්ජාවට පත් කරවන පිණිස නිතරම ඇයට නින්දා අපහාස කළාය.+ 7 ඇය අවුරුදු පතා+ යෙහෝවා දෙවිගේ ගෘහයට යන විට+ හන්නාට එසේ කළාය. ඇය මොන තරම් හන්නාට නින්දා අපහාස කළාද කිවහොත් හන්නා නොකා නොබී හඬමින් සිටියාය. 8 එවිට එල්කානා ඇගෙන් මෙසේ ඇසුවේය. “හන්නා, ඇයි ඔබ මේ විදිහට අඬන්නේ? ඇයි ඔබ නොකා නොබී දුකෙන් ඉන්නේ?+ පුත්තු දහදෙනෙකුට වඩා ඔබට මාව වටින්නේ නැද්ද?”+

9 ෂීලෝහිදී ඔවුන් කා බී අවසන් වූ පසු හන්නා නැඟිට එතැනින් පිටත්ව ගියාය. ඒ වේලාවේ පූජක ඒලී, යෙහෝවා දෙවිගේ මාලිගාවට*+ ඇතුල් වන ස්ථානයේ තිබෙන ආසනයේ හිඳගෙන සිටියේය. 10 හන්නා ඇගේ සිතේ තිබූ ශෝකය+ නිසා හඬහඬා+ යෙහෝවා දෙවිට යාච්ඤා කළාය.+ 11 ඈ දෙවිට භාරයක් වෙමින්+ මෙසේ කීවාය. “අනේ, ස්වර්ගයේ සේනාවල අධිපති වන යෙහෝවා දෙවියනි, ඔබේ දාසියක වන මා විඳින දුක් වේදනා දිහා බලා+ මාව සිහි කරන්න.+ අනේ, ඔබේ දාසියගේ කන්නලව් අමතක නොකර ඔබේ දාසියට පිරිමි දරුවෙකු ලබා දෙන්න. යෙහෝවා දෙවියනි, මම ඔහුව මුළු ජීවිත කාලය පුරාම ඔබට සේවය කිරීම සඳහා කැප කරන්නම්. කවදාවත් ඔහුගේ හිසකෙස් නොකපන්නත් මම පොරොන්දු වෙනවා.”+

12 ඇය බොහෝ වේලාවක්+ යෙහෝවා දෙවි ඉදිරියේ මෙසේ යාච්ඤා කරමින් සිටියදී ඒලී ඇය දෙස බලා සිටියේය. 13 ඇය දෙවි සමඟ නිහඬව කතා කරමින් සිටි නිසා+ ඇගේ තොල් සෙලවුණු නමුත් කටහඬ ඇසුණේ නැත. එබැවින් ඒලී ඇය බීමත්ව සිටිනවා කියා සිතා+ 14 ඇගෙන් මෙසේ ඇසුවාය. “තව කොච්චර වෙලාවක් ඔබ බීමත්ව ඉන්නද හදන්නේ?+ මෙතැනින් යන්න. ඔබේ වෙරි මත හිඳෙන තුරු එන්න එපා.” 15 එවිට හන්නා මෙසේ කීවාය. “මගේ ස්වාමීනි, මා ගැන එහෙම හිතන්න එපා. මා වයින්වත් වෙන කිසි මත්පැන් වර්ගයක්වත් බිව්වේ නැහැ. මම හිටියේ යාච්ඤා කරමින්. මම ගොඩක් හිතේ දුකෙන් ඉන්නේ. මගේ හිතේ තියෙන දුක මම යෙහෝවා දෙවිට කිව්වා.+ 16 ඔබේ දාසිය කිසි කමකට නැති කෙනෙක්+ කියා හිතන්න එපා. මම මෙතරම් වෙලාවක් දෙවිට කතා කළේ මගේ හිතේ තියෙන දුක මට දරාගන්න බැරි නිසයි.”+ 17 එවිට ඒලී මෙසේ කීවේය. “දැන් ඉතින් සමාදානයෙන් යන්න.+ ඊශ්‍රායෙල්හි දෙවි ඔබේ ඉල්ලීම ඉටු කර දෙනු ලැබේවා!”+ 18 එවිට ඇය මෙසේ කීවාය. “ඔබේ දාසියට ඔබෙන් කරුණාව ලැබේවා!”+ ඉන්පසු ඇය එතැනින් පිටත්ව ගොස් කෑම කෑවාය.+ ඇය තවදුරටත් ඇගේ ප්‍රශ්නය ගැන කනස්සලු වූයේ නැත. ඇගේ මුහුණද මලානිකව නොතිබුණේය.+

19 පසුවදා උදෑසන ඔවුහු අවදි වී යෙහෝවා දෙවිට නමස්කාර කළ පසු රාමාහි+ ඔවුන්ගේ නිවස බලා පිටත් වූහ. යෙහෝවා දෙවි හන්නාගේ ඉල්ලීම අමතක නොකළේය.+ එල්කානා ඔහුගේ භාර්යාව වන හන්නා සමඟ සයනය කළේය.+ 20 අවුරුද්දක් පමණ ගෙවුණු පසු ඇය ගැබ්ගෙන පුතෙකු බිහි කළාය. ඇය ඔහුට සාමුවෙල් යන නම+ තබමින් මෙසේ කීවාය. “මා ඔහුව ඉල්ලුවේ+ යෙහෝවා දෙවිගෙන්ය.”

21 එල්කානා සෑම අවුරුද්දකම කරන්නාක් මෙන් යෙහෝවා දෙවිට පූජා ඔප්පු කිරීම සඳහාත්+ ඔහු වූ භාර ඔප්පු කිරීම සඳහාත්+ ඔහුගේ නිවසේ සියලුදෙනා සමඟ පිටත්ව ගියේය. 22 නමුත් හන්නා ඔහු සමඟ ගියේ නැත.+ මන්ද ඇය ඔහුට මෙසේ කියා තිබිණ. “දරුවා කිරි වැරුවට පස්සේ+ මම ඔහුව යෙහෝවා දෙවි ඉදිරියට ගෙන යන්නම්. එවිට ඔහුට ජීවිත කාලය පුරාම එහි සේවය කරන්න පුළුවන්.”+ 23 එල්කානා+ ඇයට මෙසේ කීවේය. “ඔබට හොඳයි කියා හිතෙන දෙයක් කරන්න.+ දරුවාගේ කිරි වරන කාලය ඉවර වෙනකම් ගෙදර ඉන්න. යෙහෝවා දෙවි ඔහුගේ පොරොන්දු ඉෂ්ට කරනු ලැබේවා!”+ එබැවින් ඈ ගෙදර නතර වී ඇගේ පුතා කිරි වරන තෙක්+ ඔහුව රැකබලා ගත්තාය.

24 දරුවා කිරි වැරූ පසු හන්නා අවුරුදු තුනක් වයසැති වස්සෙකුවද පිටි ඒපාවක්ද* විශාල වයින් භාජනයක්ද+ රැගෙන දරුවා සමඟ ෂීලෝහි+ තිබෙන යෙහෝවා දෙවිගේ ගෘහයට ගියාය. 25 වස්සාව මැරූ පසු ඔවුහු දරුවාව ඒලී+ වෙත ගෙනාවෝය. 26 එවිට ඇය මෙසේ කීවාය. “මගේ ස්වාමීනි, මේ ස්ථානයට ඇවිත් ඔබ ඉදිරියේ යෙහෝවා දෙවිට යාච්ඤා කරමින්+ සිටිය ස්ත්‍රිය මමයි. ඒ ස්ත්‍රිය මම මිස වෙන කවුරුත් නෙමෙයි කියා මම දිවුරලා කියනවා.+ 27 මට දරුවෙක් ලබා දෙන්න කියලයි මම එදා යෙහෝවා දෙවිට යාච්ඤා කළේ.+ දෙවි මගේ ඒ ඉල්ලීම ඉෂ්ට කළා.+ මේ ඉන්නේ ඒ දරුවා. 28 ඒ නිසා දැන් මම මේ දරුවාව යෙහෝවා දෙවිට භාර දෙනවා.+ ඔහුගේ මුළු ජීවිත කාලය පුරාම ඔහු අයිති යෙහෝවා දෙවිටයි.”

එවිට ඔහු* යෙහෝවා දෙවි ඉදිරියේ හිස නමා නමස්කාර කළේය.+