Feni bunu u di libi u teego a goonliba!

De mbei di piki buku aki u heepi i fii ko sabi ambë mbei goonliba ku hii dee sondi di de nëën dindu. Joo lei taa masa Gadu di mbei goonliba abi wan në. A di piki buku aki woo konda finifini faandi mbei Gadu mbei libisëmbë ku so seei unfa i sa feni bunu libi u teego a goonliba.

U ta biibi taa dee hia peentje aki sa heepi i fii fusutan dee sondi möö bunu. Abi o möö bunu ee i seei lesi dee pisi u di beibel di sikifi a basu u dee peentje. Nöö ee i du kuma fa a sikifi aki nöö i seei o sa lesi so u dee bunu pamusi u Gadu di sikifi a di beibel. So seei tu andi Gadu ta taki taa i musu du fii feni bunu u dee pamusi aki.

Kande joo kë heepi woto sëmbë ku di buku aki. Ee jaa mii, i sa heepi de ku di piki buku aki tu u lei sabi Gadu. Ee i ta libi a wan köndë ka gaang së u dee sëmbë an sau lesi, nöö i sa heepi de ku dee peentje u de ko fusutan dee pakisei u Gadu. Nöö de seei sa toona heepi woto sëmbë baka.

U ta biibi tuutuu taa dee sondi di i lei finifini a di piki buku aki, o jabi di pasi dai fii kisi bunu sondi u Gadu, so seei fii heepi woto sëmbë u feni libi u teego a goonliba aki.