Fasi fa u sa paati di Waktitoren ku dee brochure fuu

Fa u sa bigi Bëibel studie a di fosu sata u tinimu-liba

„Di nëbai begi di sëmbë sabi, ta lei u taa di kë u Gadu o pasa a goonliba leti kumafa a ta pasa a Gadu köndë ala. Unfa i pakisei taa di kë u Gadu o pasa a goonliba aki?” Lesi Mateosi 6:9, 10, nöö da di sëmbë pasi faa piki. Baka di dë luku woto 8 u di Bëibel lei-buku ku ën.

A Waktitoren 1 oktober

„U ta fan kölö sö ku dee sëmbë u di pisiwata fuu aki u dee soni aki dee Jesosi bi lei dee bakama fëën a di nëbai begi di sëmbë sabi. [Mateosi 6:9, 10.] Sëmbë bi konda finifini da i wan pasi kaa andi da di Könuköndë u Gadu ö, söseei faandi mbei Jesosi bi ta taki hia soni fëën sö a di peleikiwooko u? [Da di sëmbë pasi faa piki.] Di Waktitoren aki ta lei u andi Bëibel ta taki u di Könuköndë u Gadu. Söseei a ta lei u andi da dee gaan bunu soni dee a o tja ko da libisëmbë a goonliba aki.”

BROCHURE: Gadu abi bunu buka da u!

„Mi ko a i aki tide u di sëmbë ta booko de hedi ku dee soni dee ta pasa a goonliba. I si kuma soni sa ko möön bunu ö? [Da di sëmbë pasi faa piki.] Hia sëmbë ta foondo te de ko lei sabi taa di Bëibel abi bunu buka di ta da libisëmbë houpu. Aki i ta si wan tu hakisi di di Bëibel ta piki.” Dëën di brochure, nöö hakisi ën undi u dee hakisi dee dë a baka u di brochure a bi o kë feni piki fëën. Baka di dë go a di woto dë, nöö lei ën unfa u ta lei sëmbë soni. Seeka iseei u toona go nëën u luku di woto hakisi u di woto dë.