U musu dë fajafaja u da useei taanga u du bunu soni

Hebelejën 10:24 ta da u taanga u „buta mëni a di fa u sa du heepi useei fuu libi bunu [du bunu soni, NW] ta lobi u seei makandi.” U sa da dee baaa ku sisa fuu taanga ku di fasi fa u ta tja useei, söseei ku dee soni dee u ta du u lei taa u abi biibi. Konda dee bunu soni dee i ta miti da wotowan a di kemeente. Be de si fa i ta piizii u dini Jehovah. Ma ja musu ta tei de ta maaka ku iseei nasö ku woto sëmbë (Gal. 6:4). Pooba u da wotowan degihati u ta „du bunu soni ta lobi u seei makandi”, ma na booko de saka. (Luku bld. 158, pal. 4 u di Diniwroko skoro-leribuku.) Ee u ta da wotowan degihati u ta lobi useei makandi, nöö de o ta heepi wotowan ku soni di de abi fanöudu, söseei de o ta du di peleikiwooko tu.​—2 Kol. 1:24.