Unfa u sa du di diniwooko fuu möön bunu​—Suku sëmbë di i sa ta tja buku go da

Faandi mbei a dë fanöudu: Sömëni sëmbë an kë fuu lei de soni u Bëibel, ma de lo’ u lesi dee buku fuu. Kandë de lobi di keiki u de nasö kandë de an abi ten. Ma ee de ta lesi dee buku fuu, nöö kandë de o kë ko sabi soni u di Wöutu u Gadu (1 Pet. 2:2). Ma kandë baka di de lesi wan soni di dou de hati nasö di soni ko tooka a de libi, nöö de kë ko lei soni u Bëibel. Ee u nango a de hii juu, nöö u ku de sa ko guwenti, u sa ko sabi dee soni di de lobi, söseei u sa ko sabi dee bookohedi u de. Te u kaba fëën, de sa kë lei soni u Bëibel.