Ja bi o kë poobëën wan jaa luku ö?

Pooba andi? Di kowoonu pioniliwooko! Joo feni gaan bunu seei!​—Nön 10:22.

TE I TA PIONILI, NÖÖ JOO . . .

• ko sa’ u peleiki möön bunu, söseei joo ko möön lobi di peleikiwooko

• ko dë möön gaan mati ku Jehovah. Möön joo ta konda soni fëën da wotowan, möönmöön joo ta si dee hanse fasi fëën

• ko sabi taa a dë wan piizii soni u buta di Könuköndë a di fosu kamian a i libi, söseei joo ko sabi taa te i ta buta iseei u heepi wotowan, nöö joo ta dë waiwai.​—Mt 6:33; Tja 20:35

• sa go a di pionili komakandi di ta hoi te di keling-gaanwomi ko, joo sa go a di apaiti komakandi di ta hoi a di pisiten u di keling-komakandi, söseei joo sa go a di Pionili-siköö

• sa feni möön Bëibel studie, nöö joo ko sa’ ulei sëmbë soni u Bëibel möön bunu

• sa peleiki möön hia ku dee woto peleikima, nöö woon sa ta da unuseei taanga.​—Lo 1:11, 12