„Te hën manu go sindo a dee gaan döö . . . nöö sëmbë ta sabi taa hën di dë”

Wan bumbuu mujëë ta mbei sëmbë gafëën manu. A di ten u Könu Lemuëli, wan womi di bi abi wan bumbuu mujëë, bi dë wan womi di sëmbë bi ta „sabi” te a bi „go sindo a dee gaan döö” u di foto (Nön 31:23). A di ten aki, dee womi dee dë gaanwomi ku dee dë dinai, da sëmbë di wotowan ta lesipeki. Ee de tööu, nöö de ta luku unfa dee mujëë u de ta tja deseei ufö de sa da de sö wan faantiwöutu (1Ti 3:4, 11). Dee manu u dee bumbuu mujëë aki ta lobi de gaanfa seei, ma na de nöö, di kemeente seei ta lobi de gaanfa tu.

Wan bumbuu mujëë ta heepi ën manu te . . .

• a ta taki soni di ta dëën degihati.​—Nön 31:26

• an ta kuutu te hën manu musu du soni da di kemeente.​—1Te 2:7, 8

• an ta suku u libi bigi.​—1Ti 6:8

• an ta hakisi hën manu soni di nama ku di kemeente, di dee gaanwomi wanwan nöö musu sabi.​—1Ti 2:11, 12; 1Pe 4:15