„Aki mi dë! Manda mi!”

U sa djeesi Jesaaja u di a bi lei taa a bi abi biibi, söseei taa a bi dë kabakaba u go du wan wooko da Jehovah, hii fa an bi sabi hii soni u di wooko dë (Jes 6:8). I sa tooka soni a i libi so taa i sa go heepi ka möön hia peleikima dë fanöudu ö? (Ps 110:3) A dë fanöudu fii „go sindo pakisei”, ufö i go du di soni dë (Lu 14:27, 28). Ma i musu dë kabakaba u disa soni u di peleikiwooko hedi (Mt 8:20; Mk 10:28-30). Kumafa u bi si a di fëlön U go heepi ka möön peleikima bi dë fanöudu, nöö dee wini dee u ta feni a di dini u Jehovah ta hia möön dee wini dee u bi o feni te u bi o go du wan woto soni.

BAKA TE I LUKU DI FËLÖN, NÖÖ I PIKI DEE HAKISI DEE DË A BASU AKI:

• Andi famii William bi musu disa u de bi sa go heepi a Ekwadölu?

• Andi da dee soni di de bi luku, ufö de bi tei wan kamian ka de bi kë go dini?

• Andi da dee wini di de bi feni?

• Unfa i sa ko sabi naasë möön hia peleikima dë fanöudu?

TE WOON HOI DI WOSUDENDU DINI FUUNU MÖÖN, NÖÖ UN LUKU DEE HAKISI AKI MAKANDI:

• Unfa u kuma wosudendu sa du möön hia a di dini u Jehovah? (km-SR 8/11 bld. 4-6)

• Ee wa sa go heepi a wan woto kamian ka de abi möön hia peleikima fanöudu, nöö unfa u sa heepi a di kemeente ka u dë? (w16.03-SR bld. 23-25)