Wooko a wan köni fasi ku dee buku fuu

Jesosi bi piki dee bakama fëën taa: „Na bai un bai ën e, nöö wan musu mbei sëmbë paka unu fëën tu” (Mt 10:8). U ta piki Jesosi buka u di wa ta tei möni a sëmbë te u da de wan Bëibel nasö wan u dee woto buku fuu (2Ko 2:17). Dee buku aki ta heepi sëmbë u de ko fusutan dee tuutuu lei dee dë u feni a di Wöutu u Gadu. A ta tei hia ten ku hia möni u doloki dee buku aki, söseei u manda de go a dee kemeente a hii së u goonliba. Fëën mbei wa musu tei möön hia buku möön leki andi u abi fanöudu.

I musu luku ee a dë fanöudu u da wan sëmbë wan buku, aluwasi a sitaati u dë ta peleiki (Mt 7:6). Ka fuu ta langa dee buku fuu da dee sëmbë dee ta waka ta pasa, a bi o möön bunu fuu mbei möiti u fan ku de luku ee de kë ko sabi möön soni u Bëibel. I bi o sa piki aai a wan u de feifi hakisi dee dë a bandja aki ö? Ee ja dë seiki ee wan sëmbë kë ko sabi möön soni u Bëibel, nöö a bi o möön bunu fii dëën wan talakitaati. Ma ee a hakisi wan buku nasö wan woto soni, nöö i sa dëën.​—Nön 3:27, 28.