I ta si dee fasi u Gadu ö?

Te i ta luku dee hanse folo, dee teeja, ku dee hei kamian ka wata ta kule ta kai, nöö de ta mbei i pakisei di Sëmbë di mbei de u? Dee soni dee Jehovah Gadu mbei ta lei u dee fasi fëën (Lo 1:20). Te u ta tei ten ta luku dee soni dee u sa si ku u wojo, nöö u ta si di kaakiti u Jehovah, u ta si di fa a lobi u, di köni fëën, fa a abi bunuhati tjika, söseei fa a lo’ u da sëmbë soni.​—Ps 104:24.

Andi da wantu u dee soni di Jehovah mbei di i ta si hiniwan daka? Aluwasi i ta libi a foto, tökuseei i ta si peipei fou ku peipei pau. Te u ta luku dee soni dee Jehovah mbei finifini, nöö a ta heepi u ku dee bookohedi dee u abi, a ta heepi u fuu buta pakisei a dee möön fanöudu soni, söseei fuu ko abi möön biibi a Jehovah taa a sa sölugu u u teego (Mt 6:25-32). Ee i abi miii, nöö heepi de u si dee fasi u Jehovah. Te u ta möön tei dee soni dee Gadu mbei u bigi, nöö u ku ën o ko dë möön gaan mati.​—Ps 8:3, 4.

LUKU DI FËLÖN DEN SANI DI GADO MEKI E SORI A MAKTI FU EN​—LETI NANGA KLORU, BAKA DI DË, NÖÖ PIKI DEE HAKISI AKI:

• Unfa a du ko taa u ta si peipei kulölu?

• Unfa a du ko taa so juu te i ta luku wan soni, nöö a ta djei kuma dee kulölu fëën ta tooka?

• Faandi mbei u ta si peipei kulölu a liba ala?

• Un hanse kulölu i ta si zuntu ku ka i ta libi?

• Faandi mbei u musu ta luku dee soni dee Gadu mbei buta a goonliba finifini?